أحمد الفيشاوي: حياتي كانت زحمة وعشوائية وهذه نصيحة والدي

كشف الفنان أحمد الفيشاوي عن نصيحة والده فاروق الفيشاوي والتي جعلته يغير حياته بشكل كبير وذلك خلال لقاء له يذاع على موقع الفيديوهات الشهير يوتيوب وعلى مواقع التواصل الاجتماعي المختلفة.

أحمد الفيشاوي: حياتي كانت عشوائية 

وقال أحمد الفيشاوي في تصريحات رصدها موقع تحيا مصر: أنا اتولدت في الهبل وفضلت عايش فيه لحد 35 سنة، أبويا وأمي نجوم كبار فعلى طول في حفلات وتصوير ومؤتمرات فكانت حياتي كلها زحمة وعشوائية فاتغيرت بسبب خالي ونصيحة والدي وعشان اخد بالي من أمي.

وتابع أحمد الفيشاوي كاشفا عن نصيحة والده قبل وفاته: قالي خلي بالك من سنانك وكرشك.. سنانك عشان متتألمش زي مأنا بتألم دلوقتي وكرشك عشان تبقى مناسب لأي دور.

أحمد الفيشاوي: كنت بحاول أعمل عيلة وفشلت واتجوزت خمس مرات 

وكان قد قال أحمد الفيشاوي أيضا في نفس اللقاء: أنا كنت بحاول اعمل عيلة وفشلت، اتجوزت خمس مرات بحاول اعمل عيلة وفشلت، فقولت أعيش لوحدي وأربي نفسي، عشان أنا مش راجل عائلي، أنا بيتوتي مش عائلي يعني أقعد في البيت من غير دوشة، وكنت عايزة أكون أسرة عشان في عادات وتقاليد موجودة في العالم كله محدش بيختلف عليها وحاولت اعملها 5 مرات وفشلت، ومش هفكر في الجواز تاني.

وأضاف أحمد الفيشاوي: كنت ببقى قاعد على الكنبة مش بقوم لحد ما اكتشفت إني بضيع مستقبلي واسم عيلتي والدنيا هتبوظ، وأوقات كنت ببقى كاره نفسي ومكسوف منها.

آخر أعمال أحمد الفيشاوي 

يذكر، أن آخر أعمال أحمد الفيشاوي هو فيلم بنقدر ظروفك الذي طرحه مؤخرًا، ولكنه لم يحقق النجاح المتوقع من افلام أحمد الفيشاوي وتم سحبه من دور العرض السينمائي بعد أسابيع قليلة من طرحه لعدم تحقيقه إيرادات عالية، وشارك في بطولته كلا من النجوم مي سليم، نسرين طافش، عارفة عبد الرسول، محمد محمود، إبرام يوسف، ومحمود حافظ وغيرهم آخرين.

أحمد الفيشاوي: اتجوزت 5 مرات وفشلت ووصلت لدرجة إني ببقى كاره نفسي

فيلم بنقدر ظروفك ينتمي للأفلام الشعبية ويناقش غلاء الأسعار الذي سيطر على منتجات البلد وينقل معاناة الفقراء والغير قادرين على التأقلم وسط غلاء الأسعار بهذا الشكل، كما يظهر التجار الذي يتعمدون استغلال ذلك وغلاء السلع الضعف، وذلك من خلال شخصية حسن وملك اللذان يحبان بعضهما ويعانيان من الفقر فهل سيستمر الحب ويتغلب على الفقر.