بعد والدته.. شقيق مسلم: متسعر مننا وبيهددنا.. ولو راجل يطلع يتحداني قدام الناس ويقولي انت مش أخويا

حالة من الجدل يعيشها مطرب المهرجانات مسلم في الفترة الحالية، حيث يبدو وانا قررت أسرته أن تكشف حقيقته للجمهور، فبعد تصريحات والدته التي وصفته بأنه "ابن عاق"، خرج أشقائه من والده ليفتحوا النيران عليه مشيرين إلى أنه يتبرأ منهم ويهددهم.

شقيق مسلم: الحياة بينا كانت حلوة وأما اتشهر عملنا بلوك 

فقال شقيق مسلم الأصغر في لقاء خاص مع موقع تحيا مصر: الدنيا كانت بينا حلوة قبل ما يوصل ويتشهر وبعد ما بقى نجم عملنا حظر على التليفونات وبيعمل نفسه مش عارفنا،  بيتبرى مننا وبيقول دول مش اخواتي ولا أعرفهم كل ده عشان الفلوس.

وتابع حديثه، قائلا: أمه بتقولنا أمكم معرفتش تطلعكم ناس كويسين وأخته بتقولي انت أخونا بس محدش يعرف تاريخك.. هو أنا تاريخي اي!، وأمه سايبة عربية أبويا عند الميكانيكي في الجراج روح عشان أخودها لقيت عليهم 45 ألف جنيه، أجبهم منين دول!

شقيق مسلم الأكبر يتحداه: لو راجل يطلع يقول إني مش أخوه 

أما عن شقيق الأكبر فقال: حزين أن الفلوس بتنسى الاخوات ومسلم اول حاجة عملها أما ربنا كرمه داس علينا، ملعون أبو الفلوس اللي تخلي الاخوات يدوسوا على بعض.. مسلم ده نسي اني ربيته في حضني مكنش بيسبني.. وفي الاخر طالع يقول أبويا مش أبوكم.

وتابع شقيق مسلم الأكبر: بيستعر مننا وبيهددني أنا واخويا وبيقولنا اطعلوا اتكلموا واعملوا اللي تعملوه شوفوا مين هيعبركم،  أمه بتقولنا أمكم معرفتش تطلعكم ناس كويسين وأخته بتقولي انت أخونا بس محدش يعرف تاريخك.. هو أنا تاريخي اي!،  انا بتحداه يطلع راجل ويواجهني قدام الناس ويقول إنه مش أخويا.

والدة مسلم: شحت عليه عشان أربيه وبعتلي يقولي غوري من حياتي

رفض يزورها.. حقيقة دخول والدة مسلم العناية المركزة

والدة مسلم تفتح النيران عليه 

وسبق وخرجت والدة مسلم في فيديو، قائلة: انا جاية اكلمكم عن الفنان اللي انتو بتحبوه مسلم ومفكرين سائله أهله وناسه، أهله بعيد عنه وأخواته بعيد عنه وأمه ست غلبانة شغالة في المنشية وشقت وتعبت عليه وشحتت عشانه مش بيسأل فيها وهو عارف انها عيانة ومتبدلة ولا بيسأل ولا فيا ولا في أخواته.

وتابعت والدة مسلم: ابني عاق.. بعتلي يقولي غوري من حياتي وبيهين أخوه الكبير قدام الفرقة مش عارفة أقول عن البني آدم الحقير ده أي، شحت عليه عشان اربيه وكل اللي فيه ده أنا السبب فيه وأما بقى نجم مش بيسأل فيا وبيشتم أخته عشان بت اسمها يارا بتبات معاه وبتلف معاه في الشوارع وبتقولي انا أبويا وأمي عارفين، ومصاحب واحد زبالة وأنا ابني صغير ماشي وراه بيجيب نسوان وحاجة مقرفة.