توقعات الأبراج الخميس 5 ديسمبر .. أعرف حظك اليوم

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة الخميس 5 ديسمبر 2024 في برج الدلو الهوائي وده بيدعم الأبراج الهوائية الدلو والجوزاء والميزان.

توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
النهارده في انجذاب لبعض الناس او الاصدقاء الجداد او انت اللي مصدر جاذبيه كبير لناس مؤثرين بيدخلوا حياتك .. في تعارف في وجوه جديده او صداقات بعيده او قديمه وبتتواصل معاهم حتى لو من مكان بعيد فانت النهارده مشغول بالمواعيد..

برج الثور 
النهارده في شويه تقلبات باوضاعك المهنيه عملالك شويه قلق او انفعال هتبقى محتاج تبذل بعض الجهد منك وتكون مرن ومتكيف على قد ما تقدر مع الظروف خليك رايق وبلاش ترفع سقف التحديات...

برج الجوزاء
النهارده يوم من الايام الحلوه بتقدر تسجل نقاط ايجابيه ولصالحك.. في اخبار حلوه وسره وتقدير من الاخرين لمجهودك.. والامور اللي ليها علاقه باوراق سفر او اوراق ماليه بتتم على خير.. والحظوظ داعمه ليك فاستفيد من اليومين دول يا جوزاء...

برج السرطان
النهارده بتناقش في حاجه ليها علاقه بقسمة مال.. او بتناقش العيله في بعض الترتيبات الماليه وبتطالب ببعض الحقوق.. واصلا الشهر ده كله في اعاده لترتيب اوضاعك الماليه من اول وجديد او بتسد بعض الديون اللي عليك...

برج الاسد
النهارده يومك ممكن يبقى في بعض المواجهات والنقاشات الحاده اتمسك بالهدوء  لان التوتر عالي جدا.. فروق النهارده واتحمل الظروف وعدي اليوم زي ما هو لان بعد يومين هتكون افضل بكثير جدا..

برج العذراء
النهارده حاسس ان يومك تقيل جدا والاجواء متطلبه منك بعض الجهود لان وراك التزامات ومسؤوليات كثير ومش ملاحق على حاجه في فجاه بعد الطوارئ خليك جاهز ورتب يومك واولوياتك وابدا بالضروري واهتم بصحتك...

برج الميزان 
النهارده يوم مناسب لالتقاط الفرص الجيده والمناسبه ليك.. وبتقدر النهارده تناقش والطالب بحقوقك وتوصل فكرتك كويس.. وبتحصل على بعض الموافقات والتاييد سواء على المستوى المهني او الشخصي او العائلي او العاطفي فحاول انك اليومين دول تصالح وتنهي بعض الخلافات وتقرب وجهات النظر بينك وبين..

برج العقرب
النهارده يومك محتاج شويه هدوء في التعامل مع محيطك سواء الشخصي او المهني او العائلي ممكن يبقى عندك ظرف صحي شاغلك فاهتم بصحتك الفتره دي لانك منخفض الطاقه.. وخليك اقرب لافراد العيلة والناس اللي بتحبهم عشان يدعموك نفسياً..

برج القوس 
النهارده حاول تستفيد من اليوم لانه في اتصالات واجواء لطيفه وحلوه قوي سواء عائليه او شخصيه بتسعدك.... وتواصلك مع الاخرين سلس وبتقدر توصل افكارك بكل سهوله.. وبتقدر تلاحق بعض الامور وبتعالج الالتزامات الماليه وكلك نشاط وحركه

برج الجدي 
النهارده يومك مالي ومحتاج تعيد حساباتك.. بس الفتره الجايه امورك الماليه هتكون افضل بكثير من اليومين دول فخلي بالك من النفقات والمصاريف الزياده واصرف في الامور الضروريه وبس عشان متفلسش..

برج الدلو 
النهارده واخيرا القمر دخل لبرج الدلو ومزاجك بدا يبقى افضل بكتير وفعال وايجابي وعندك قوه وقدره وتاثير على الاخرين وبتقدر تفرض رايك بكل سهوله وبتاخد القرارات المناسبه ليك وعندك كل الجاذبيه فاستفيد من الطاقة بكسب الناس اللي بتستفيد منهم سواء دلوقت او في المستقبل...

برج الحوت 
النهارده حاول تشتغل من وراء الكواليس بعيد عن العيون احتفظ باسرارك لنفسك وخليك متكتم عليها لانك حاسس انك متضايق او في تراجع معنوي ومحتاج انك تضاعف جهودك وبلاش تنصاق ورا اي شعور بالضعف او الاستسلام...