شوبير: حزن محمد الشناوي من الجلوس على دكة الأهلي طبيعي
أثار الإعلامي أحمد شوبير، حارس مرمى منتخب مصر والنادي الأهلي السابق، جدلاً واسعًا بعد تصريحاته الأخيرة عبر برنامجه الإذاعي، والتي تطرّق فيها إلى حالة الحارس الدولي محمد الشناوي، الذي يعيش فترة صعبة بعد جلوسه على دكة البدلاء، ويستعرض تحيا مصر التفاصيل.
شوبير يكشف رأيه في جلوس محمد الشناوي على الدكة
وقال شوبير: "محمد الشناوي زعلان إنه قاعد احتياطي، وده طبيعي جدًا، أنا شخصيًا كنت بزعل لما كنت بقعد احتياطي، قعدت لثابت البطل، وقعدت لإكرامي، وقعدت لعصام الحضري، وقبلهم مصطفى كمال، أنا كنت نفسي أسلم على إكرامي، ولما حصل ده، اتضايقت عشان قعدت له دكة، وده أمر طبيعي لأي حارس عنده طموح".
وأضاف شوبير: "النهاردة شوبير سلّم على إكرامي، وبعد شوية عاوز يلعب عليه، فين الأزمة؟ الشناوي عاوز يلعب، وعنده طموح، وبيتمسّك بمكانه في المنتخب، وزي ما أنا زمان كنت عايز ألعب، طبيعي هو كمان عايز يستمر في التواجد بشكل أساسي".
وفي الوقت نفسه، انتقد شوبير التهويل الإعلامي والضجة التي أُثيرت حول وضع الشناوي، قائلاً: "إيه اللي مزعل الناس؟ ده بيقول، وده بيعيد، وده بيزيد.. هو فيه اجتهاد في التمرين ولا لأ؟ لو الشناوي مركز، وبيشتغل على نفسه، الفرصة هتيجي، واللعب هيكون بالأداء مش بالأسماء".
وختم شوبير تصريحاته برسالة واضحة: "أنا موافقك إن الطموح مهم، بس ما تيجي نعمل فورقيعة؟ مينفعش لازم الكلام يكون عقلاني، واللي يشتغل هو اللي يلعب. الشناوي حارس كبير، لكن المنافسة دلوقتي قوية، ومفيش حد بيحجز مكانه بالتاريخ".
الغندور: الشناوي صاحب خبرات كبيرة وساهم في قيادة منتخب مصر
أكد الإعلامي خالد الغندور، من مصدر داخل اتحاد الكرة موقف محمد الشناوي من التواجد في معسكر منتخب مصر المقبل، ويستعرض موقع تحيا مصر التفاصيل.
وكشف خالد الغندور في تصريحاته لبرنامج ستاد المحور، أن حسام حسن المدير الفني لمنتخب مصر، لديه ثقة كبيرة في محمد الشناوي حارس مرمى النادي الأهلي، وسيضمه لمعسكر الفراعنة في سبتمبر المقبل، حتى لو غاب الحارس الدولي عن المشاركة في المباريات المقبلة للفريق الأحمر.
وأضاف خالد الغندور:"الشناوي صاحب خبرات كبيرة وساهم في قيادة منتخب مصر للفوز في مباريات كثيرة، كما أنه كان الحارس الأساسي للفراعنة في أكثر من بطولة على مدار سنوات طويلة، وحسام حسن لن يستبعده من حساباته لمجرد غيابه عن المشاركة لصالحه زميله في الفريق مصطفى شوبير".
وتابع خالد الغندور:"جهاز منتخب مصر سيختار الحارس الأجهز فنيا وبدنيا لحراسة المرمى أمام إثيوبيا وبوركينا فاسو يومي 5 و9 سبتمبر المقبل في التصفيات المؤهلة لكأس العالم 2026، لكن بشكل عام الشناوي سيتواجد في المعسكر المقبل".
جوجل نيوز
تطبيق نبض
