كاشفا عن أمر مهم .. كرم جبر: لازم نصارح الناس الدنيا رايحة على فين

علق الكاتب الصحفي كرم جبر رئيس المجلس الأعلى لتنظيم الإعلام على أزمة ارتفاع الأسعار، قائلا :"مش عايزين نمسك الفقر لما تنزل بنفسك تشتري الحاجة وتلاقي الأسعار مرتفعة تحدث عن الفقر".

كرم جبر عن ارتفاع الأسعار: مش عايزين نمسك الفقر

وأضاف جبر، :" لازم نصارح الناس الدنيا رايحة على فين ونقول إنه في ارتفاع أسعار حقيقي ونقول للناس الحقيقة عشان الناس تبقى بس عارفة الدنيا فيها إيه".

وتابع الكاتب الصحفي كرم جبر رئيس المجلس الأعلى لتنظيم الإعلام فى تصريحات له رصدها موقع تحيا مصر :" أيضا الحكومة مشكورة قامت ببذل جهود عظيمة لمحاربة الغلاء بالإفراج عن كثير من الشحنات ولكن لم نرى للأسف تأثيرها على أرض الواقع".

وأكمل :" لازم المواطن يساعد الحكومة بتقديم المعلومات و الإبلاغ عن كل من يستغل المواطن ويقدم سلع بأسعار مرتفعة غير المتعارف عليها للسلعة".

كرم جبر: اللي يلاقي حاجة غالية ميشتريهاش

وواصل الكاتب الصحفي كرم جبر رئيس المجلس الأعلى لتنظيم الإعلام حديثه:" للأسف التاجر مش قادر يمنع نفسه عن المكسب المرتفع اللي كان بيحصل عليه وبسعى لكسب مبالغ أكثر على حساب المواطن".

ووجه جبر حديثه للمواطنين :" ياريت نمنع نفسنا شوية عن السلع اللي أسعارها مرتفعة وخليها قاعدة عند التاجر ومتشتريش حاجة فوق طاقتك".

وفي سياق أخر وجه الكاتب الصحفي كرم جبر رئيس المجلس الأعلى لتنظيم الإعلام، رسالة لجمهور نادي الزمالك بعد الفوز على فيوتشر بنتيجة 3-2، حيث فاز الأبيض في مباراة الذهاب بنتيجة 2-1، وتعادل الفريقان في مواجهة الإياب بالتعادل الإيجابي بهدف لكل فريق.

كرم جبر: أنا أهلاوي وبقول للزمالك كفاية تحفيل

وقال جبر لجمهور الزمالك :" يوم ليك ويوم ليا كفاية ياريت نراعي مشاعر بعض اعملوا حساب بكرا يعني".

وتابع :" أنا أهلاوي و بقول للزمالك كفاية تحفيل بالفوز بقولهم كفاية تحفيل محدش ضامن بقى  الكورة مش مضمونة".

وواصل ممازحا الجمهور:" يوم للزمالك والف يوم للأهلي ياريت نهدى شوية بقا ".

يستعد الزمالك لمواجهة دريمز الغانى فى ذهاب نصف نهائى الكونفدرالية باستاد القاهرة الأحد المقبل فى السادسة مساءً، بينما تقام مباراة الإياب على ملعب "بابا يارا" بعد أسبوع وتحديدًا في (28 أبريل) فى السادسة مساءً أيضاً.

واستطاع الزمالك خلال مشواره فى بطولة الكونفدرالية الأفريقية تصدر مجموعته في دور المجموعات برصيد 16 نقطة، من الفوز في 5 مباريات والتعادل في مباراة واحدة.