أحمد موسى يوجه اللوم لـ أحمد دياب: هو إحنا عندنا دوري؟.. فيديو
أعرب الإعلامي أحمد موسى، عن حزنه وغضبه من أداء المنتخب في بطولة كأس العرب، قائلا: أنا بعبر عن الشعب اللي زعلان ومقهور.
وتابع الإعلامي أحمد موسى، خلال تقديم برنامج على مسئوليتي، المذاع على قناة صدى البلد، تتفرج على الكورة في مصر عشان دمك يتحرق، إحنا مش عارفين نفوز ماتش في كأس العرب.
واستطرد الإعلامي أحمد موسى، موجها كلامه لحلمي طولان، الذي قال إنه لم يجد الدعم من المسئولين، قائلًا: لما أنت محدش بيدعمك ليه روحت البطولة، وكنت طلعت وأتكلمت ولا جاي تقول دلوقتي بعد الخروج المهين.
إحنا عندنا دوري يا سيادة النائب أحمد دياب
وأكمل الإعلامي أحمد موسى، أن : هو إحنا عندنا دوري يا سيادة النائب أحمد دياب، ليه موقفتش الدوري، إحنا أصلا معندناش دوري إحنا بنضحك على بعض، هو حد مهتم بيه، طيب أنا راجل بحب الأهلي والكورة والرياضة معرفش مين الأول والتاني، لسه الزملاء في الكنترول بيقولوا سيراميكا الأول.
هيطرمخوا على كارثة المنتخب في كأس العرب.. مفيش منظومة بسبب المجاملات
أكد الإعلامي أحمد موسى، غضبه من أداء المنتخب الأول لكرة القدم في بطولة كأس العرب، قائلا: يوم مباراة الكويت قولت لازم الفريق ده يرجع النهارده ميكملش ويوم مباراة منتخب الإمارات نفس الحكاية قولت يمكن يحسنوا قدام الأردن.
وتابع خلال تقديم برنامج على مسئوليتي، المذاع على قناة صدى البلد، أن المنتخب التاني في الأردن هو اللي فاز علينا، ولو المنتخب الأول كان فاز 7 مرتاح.
وقال أحمد موسى: مفيش منظومة لأن في مجاملات متعرفش مين بيختار مين، فين طاهر محمد طاهر، والشحات، قائلا: أنت دلوقتي بتتكلم عن سمعة رياضة في البلد، عارفين يعني أيه؟!.
وأكمل الإعلامي أحمد موسى: طيب منتخب 2005 فاشل، وحلمي طولان وأحمد الكاس في مين تاني، حتى بيراميدز قال إزاي أديك لاعيبة، الله! هو ده وضع ينفع في بلد زي مصر!
وواصل: بكلم كل المسئولين في الرياضة من أول وزير الشباب وأحمد دياب وهاني أبو ريدة وحسام حسن، ولو سمحتم محدش يقولي بطولة ودية.
وأردف الإعلامي أحمد موسى: لو ودية مكنتش روحت من الأول، ومحدش يقولك لجنة لأن دي أفشل حاجة وكده أنت بتطرمخ على الحاجة وتحطها في الدرج.