باسل سماقية: اللبس والألوان والمجوهرات أداة سعادة مش قضية خلافية
تحدث باسل سماقية رئيس مجلس إدارة شركة قطونيل، عن أسلوبه في اختيار ملابسه ومجوهراته، مؤكداً أنه يختار ما يحب دون الالتفات لآراء الآخرين على مواقع التواصل الاجتماعي.
الملابس اللي بختارها ليها تأثير على نفسيتي.. وأحب أعيش مع اللي بيخليني مبسوط
وأضاف باسل سماقية رئيس مجلس إدارة شركة قطونيل، في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "النهاردة أنا مهدي شوية مع إن ده الفاشون، أنا بحب التفاؤل بحاجات كتير، الخاتم ده حجر زمرد اشتريته من عند حد عنده حاجات قديمة وبتفاءل بيه وبلبسه معظم أيامي دلوقتي".
لميس الحديدي لباسل سماقية: “مش بتتضايق لما حد بينتقد ويقول إنك بتلبس ألوان وبدل فيها ألماظ ودهب؟”
وتابع باسل سماقية رئيس مجلس إدارة شركة قطونيل، أن : "مابتضايقش وعمري ما رديت على أي تعليق على السوشيال ميديا في حياتي، أنا معنديش وقت".
وعن المجوهرات والإكسسوارات، أشار باسل سماقية رئيس مجلس إدارة شركة قطونيل، أن : "ده فيه دايموندز صغيرة؟ فاشن آه. أنا بلبس اللي بحبه ومادام مابأذيش حد، لا بأذي حد ولا بضر حد ولا باكل حاجة على حد، مفيش حاجة".
أسلوبه الشخصي في اللبس يعكس شخصيته ويبعث بالطاقة الإيجابية له
وأكد باسل سماقية رئيس مجلس إدارة شركة قطونيل، أن أسلوبه الشخصي في اللبس يعكس شخصيته ويبعث بالطاقة الإيجابية له: "الملابس والحاجات اللي بختارها ليها تأثير على نفسيتي، وأنا أحب أعيش مع اللي بيخليني مبسوط".
وأوضح باسل سماقية رئيس مجلس إدارة شركة قطونيل، أن الفاشون بالنسبة له ليس للتفاخر أو لإثارة الجدل، بل وسيلة للتعبير عن نفسه والتفاؤل: "أنا ما بتهتمش بانتقادات الناس، المهم الراحة الشخصية والثقة في النفس.. اللبس والألوان والمجوهرات بالنسبة لي أداة سعادة مش قضية خلافية".