ربنا يبعد عننا العين.. عودة عصام صاصا لـ جهاد أحمد

أعلنت البلوجر جهاد أحمد منذ قليل، عودتها لـ مطرب المهرجانات الشعبية عصام صاصا، وذلك في منشور عبر حسابها الرسمي بموقع تبادل الصور والفيديوهات انستجرام، مشيرة إلى مفاجأته لها رغم المشاكل الكبيرة التي مروا بها.

عودة عصام صاصا لـ جهاد أحمد

شاركت جهاد أحمد فيديو من مفاجأة عصام صاصا لها على حسابها الرسمي بموقع تبادل الصور والفيديوهات انستجرام، وعلقت عليها وفقا لما رصده موقع تحيا مصر: "أنا مش عارفة أكتب إيه ولا أقول إيه غير إن بجد كان بقالي كتير مفرحتش كده، وفرحت إن كل الناس اللي بحبها جت وفرحوني، والمفاجأة حلوة أوي، وشكرًا ليك يا عصام أوي إنك رغم كل الفترة اللي كلها مشاكل بينا فكرت إنك تفرحني، ربنا يخليك ليا، وشكرًا تاني ليكم كلكوا، وعمري ما هنسى اليوم ده".

من جانبه، رد عصام صاصا عليها، قائلا: "ربنا يقدرني دائما وأسعدك، ورغم كل ده أنا مدتكيش ربع حقك على اللي عملتيه معانا في حياتنا، ربنا يخلينا لبعض ويبعد عننا العين يا أم حيما. 

انفصال عصام صاصا وجهاد أحمد 

يذكر أنه فاجأت جهاد أحمد الجمهور بإعلانها خبر انفصالها عن زوجها عصام صاصا، مشيرة إلى أن الانفصال تم منذ شهور عديدة وقررت الإعلان بسبب أسئلة الناس عنه بشكل مستمر في المناسبات الخاصة التي تحضرها رفقة أصدقاءها.

وعلق صاصا على هذا الانفصال، قائلا: حابب أتكلم ف نقطه بسيطه بس عشان بعض كلام الناس بيضيقني يعلم ربنا إني مشفتش أي حاجه ف حياتي وحشه من الست دي ومشفتش منها غير كل خير وعمرها ما كانت غلطانه ف حقي لا بالعكس عشان بس محدش يظلمها وربنا يصلح حال الجميع ويسترها ع كل الناس.

اخر أعمال عصام صاصا 

من ناحية أخرى، كان قد طرح عصام صاصا أغنية تتر مسلسل ولاد الشمس، الذي تم عرضه ضمن السباق الرمضاني 2026، وخاض بطولته الفنان طه دسوقي إلى جانب الفنان أحمد مالك، وحقق العمل نجاحات كبيرة خلال فترة عرضه.