تفتكروا متجمعين ليه؟.. آسر ياسين يروج لعمل فني جديد مع ظافر العابدين| صورة
روج الفنان آسر ياسين، لعمل فني جديد يجمعه بالفنان ظافر العابدين، مشوقا الجمهور للعمل الذي من المقرر أن يحقق نجاح ساحق، وذلك عبر موقع الفيديوهات والصور القصيرة إنستجرام.
آسر ياسين يشوق الجمهور لعمل فني جديد مع ظافر العابدين
وشارك الفنان آسر ياسين، صورة تجمعه بالفنان ظافر العابدين، وفقا لما رصده موقع تحيا مصر، وذلك عبر صفحته الرسمية على موقع التواصل الاجتماعي إنستجرام، وعلق عليها: تفتكروا أنا وظافر متجمعين ليه؟.
آسر ياسين يرد على الانتقادات بعد تصريحات مع عباس أبو الحسن
وخلال الفترة الماضية، رد الفنان آسر ياسين على الانتقادات والتعليقات السلبية التي كتبت عبر مواقع التواصل الاجتماعي بعد لقائه في بودكاست "حوارات مع عباس" مع الفنان عباس أبو الحسن وحديثه عن الصعاب التي واجهها في بداياته الفنية.
وأوضح آسر ياسين أن ما نشر عبر مواقع التواصل الاجتماعي هو جزء من حديثه فقط، وأن هذا الأمر أصبح رائجا بسبب صفحات تبحث عن التريند.
وخلال لقائه مع ET بالعربي: "للأسف في دلوقتي صفحات كتيرة جدا بتمسك جزء من الانترفيو وتلخصه في جملة معينة ويبتدي يتحور منها الموضوع، الناس بتتكلم عن "الفراخ والجمبري" ومعندوش غير دا كمعاناته يعني.
وأضاف آسر ياسين: "شكرًا للناس اللي اختصرت دا كله في الحتة دي بس مش دي الرسالة ورا الموضوع دا ووالله لو كانت معاناتي "فراخ وجمبري" يبقى أنا محظوظ جدا بس برضو مش دا اللي كنت بقوله خالص وأنت مدوقتش الفراخ والجمبري اللي أنا قلتهم متعرفش تفرق أصلا بين الفراخ والجمبري".
آسر ياسين.. أتمنى الناس تشوف الفيديو وتقيم بنفسها
وتابع آسر ياسين: "الحمد لله على كل شيء، أتمنى الناس تشوف الانترفيو وتقيم هي بنفسها بعيدًا عن فكرة أننا نلخص الحاجات، ودا مش بيحصل معايا أنا بس بيحصل مع الناس كلها".
واختتم آسر ياسين حديثه: "عشان الناس تبقى عارفة في صفحات كتيرة جدًا مبنية على ترافيك أن هو يمسك حاجة من أي انترفيو ويبتدي يحورها بشكل ما عشان يعمل فلوس الموضوع بالنسبة ليا فاسد، اللي عايز يمشي مع دا يمشي واللي عايز يسمع الانترفيو يسمع".
جوجل نيوز
تطبيق نبض
