فاروق حسني: في 2011 قولت بناء المتحف الكبير مش هيكمل لكن الرئيس السيسي قفل النقطة
حل وزير الثقافة السابق فاروق حسني ضيف على برنامج الصورة، الذي تقدمه الإعلامية لميس الحديدي على شاشة قنوات النهار، وتحدث خلاله عن بناء المتحف الكبير والصعوبات التي واجهها وكيف كان نقل تمثال رمسيس للمتحف صعبا جدا عليه.
فاروق حسني يتحدث عن المتحف الكبير مع لميس الحديدي
وقال فاروق حسني في لقاءه مع لميس الحديدي ببرنامج الصورة والذي رصده موقع تحيا مصر: وعدت إني اعمل المتحف الكبير وبعدين لقيت الموضوع سياسي فكلمت الريس قولتله وهو رحب جدا بالفكرة، الدراسات أخدت وقت كبير جدا لأن منقدرش نبني حاجة بالفخامة دي بشكل عشوائي.. قعدنا 4 سنين في دراسة الجدوى فقط للرياح والجو وغيره عشان نعمل حاجة متبوظش مع الوقت وتتبهدل ويبقى كأننا معملناش حاجة.
وتابع فاروق حسني حديثه: ابتدينا نشيل أطنان من الرمال لتمهيد بناء المتحف وكان الموضوع صعب جدا، وخد وقت كبير ولكن طلع بالطريقة اللي تستحق أن نراها.
فاروق حسني: نقل تمثال رمسيس كان مرعب ومنمتش يومها
وعن نقل تمثال رمسيس إلى المتحف، قال فاروق حسني: نقل تمثال رمسيس كان ملحمة منمتش يومها لحد ما وصل.. كنت مرعوب والمقاولون العرب عملوا دراسات هايلة جدا، وهو كان هيبقى خارج المتحف ولكن أصريت أنه يكون جوة عشان ميبانش صغير.
وعن الأشساء التي يحبها في المتحف الكبير، قال فاروق حسني: وسعه واحتمالية أنه يقدر يستوعب كتير، وأجمل حاجة فيه أنه اقدر أشوف الهرم منه غير الطرق اللي حصلت حواليه مبقتش زيارة معقدة.
فاروق حسني: كنت فاكر بناء المتحف الكبير مش هيكمل ولكن الرئيس السيسي وضع كمله
وأكد فاروق حسني: في 2011 قولت بناء المتحف الكبير مش هيكمل وصرفنا فلوس على مفيش، ومقدرش أنسى الرئيس عبد الفتاح السيسي لأنه كمل وقفل النقطة.
يذكر أنه حصد فاروق حسني، جائزة الإنجاز مدى الحياة في حفل Joy awards الذي أقيم في الرياض، وهو الأمر الذي شهد تصفيق حار من الحاضرين، وترحيب كبير منهم ومن المستشار تركي آل الشيخ، رئيس هيئة الترفيه بالمملكة العربية السعودية، الذي أثنى على فاروق حسني واعتزازه بتواجده معهم.
جوجل نيوز
تطبيق نبض
