ياسمين عز: كفاية إحباط.. اعطوا النواب الشباب فرصة يثبتوا نفسهم
أكدت الإعلامية ياسمين عز ، أن الانتقادات الموجهة للنائبة الشابة يارا عزت حول طريقة حديثها في مجلس النواب غير عادلة، مشددة على أهمية منح النواب الشباب فرصة للتعلم والعمل دون السخرية منهم.
مش لازم تكون مذيعة أو مدرسة لغة عربية
وقالت ياسمين عز خلال برنامجها «كلام الناس» على قناة MBC مصر:"مخارج الألفاظ إيه اللي بتتكلموا عنها؟ هي مذيعة ولا مدرسة عربي؟! هي اتوترت شوية دا شيء طبيعي، وأديوا النواب الشباب فرصة يشتغلوا ويجتهدوا.. كدة انتوا بتحبطوهم".
وأشارت إلى أن كل شخص يشاهد النائبة يارا عزت وهي تقرأ من الورقة أثناء مناقشة قانون تعديل نقابة المهن الرياضية على أنه جزء طبيعي من عملها، مضيفة: "دي نائبة مش مطلوب منها تكون مذيعة ولا مدرسة لغة عربية، ومش دورك خالص إنك تتريق".
فيديوهات السوشيال ميديا لم تعكس الواقع
وتابعت عز:"من امبارح شوفت فيديوهات كتير منتشرة على السوشيال ميديا، وكل الناس شافتها بسبب مقطع النائبة الشابة وهي بتقرأ من الورق الكل بيقولك إنها بتقرأ من AI، وأنا سمعت ملقتش حاجة"
وشددت على أن تقييم العمل يجب أن يكون على أرض الواقع وليس على مقاطع قصيرة، وقالت: "مش بدافع عنها بس عشان مراه.. بدافع عنها عشان حقها".
وأضافت ياسمين عز رسالة لكل منتقدي النائبة:"يعني أيه الناس اللي كاتبه اقعدي في المطبخ أقعدو أنتو في المطبخ… لكن ما تحبطوش أي حد أي حد بيتوترمن رهبة الكاميرا طبيعي النائبة مش موجودة في المجلس عشان انت تقيمها، احنا بنقيم شغل على أرض الواقع"
واختتمت: "أي حد يقعد يتريق، انت ملكش عندها أي حاجة.. خليكم واقعيين وادوا الشباب فرصة يثبتوا نفسهم".
وفي نفس السياق،أكدت الإعلامية ياسمين عز أن قرار حجب لعبة «روبلوكس» جاء بعد أن أصبحت اللعبة هاجسًا للأطفال في مصر والوطن العربي، محذرة الأهالي من خطورة الانغماس في الألعاب الإلكترونية بدون مراقبة.
وقالت ياسمين عز"اللعبة كانت شاغلة ولادنا في كل مكان، ودايمًا كانوا يدوروا على طرق غير شرعية عشان يلعبوها مفيش طفل إلا وكان متعلق بيها، ومكنش وراهم غيرها"، مشيرة إلى أن القرار الحكومي كان ضروريًا لحماية الأطفال من الإدمان الرقمي.
جوجل نيوز
تطبيق نبض
