أحمد موسى عن إطفاء أنوار وسط البلد: «محدش قال لكم ضلموا البلد»
علق الإعلامي أحمد موسى على قرارات الحكومة بشأن ترشيد استهلاك الكهرباء قائلا: اطفي زي ما أنت عايز لكن نحتاج أعمدة كهرباء للإضاءة في القاهرة والجيزة وخاصة في المناطق الشعبية، معقول وسط القاهرة وميدان التحرير يكونوا ضلمة، كلنا مع الترشيد ولكن هناك عقل، محدش قال ضلموا البلد، ومصر هتفضل منورة، وتم تصدير صورة لا يجب أن تكون ممثلة لمصر.
اطفي زي ما أنت عايز لكن نحتاج أعمدة كهرباء للإضاءة في القاهرة والجيزة وخاصة في المناطق الشعبية
وتابع أحمد موسى ، خلال برنامج على مسئوليتي المذاع على قناة صدى البلد: الناس بره سابوا كل حاجة وبقوا يتكلموا عن مصر.. يا أخي خليك في حالك وأزماتك.. ورئيس الوزراء قال ترشيد لكنه والله ما قال اطفوا كل حاجة، ولا يليق أبدا إطفاء مآذن المساجد.. الموضوع مستفز.. لو سمحتم هناك علامات للدولة لا يجب أن تطفأ.
زود على الأغنياء إيه المشكلة؟.. لكن تطفي المساجد والكنائس ازاي؟
واستكمل أحمد موسى: زود على الأغنياء إيه المشكلة؟.. لكن تطفي المساجد والكنائس ازاي؟.. ويجب الالتزام بتوجيهات رئيس الوزراء، ومصر عرف عنها أنها البلد التي لا تنام.. والله وأقسم بالله رئيس الوزراء مقالش اطفوا كل حاجة.
لازم نراعي أيقونات مصر ومتضحكوش الناس علينا لو سمحتم
واختتم أحمد موسى: لازم نراعي أيقونات مصر ومتضحكوش الناس علينا لو سمحتم.. النهاردة الأولاد نزلوا رايحين المدارس وصاحيين في عز المطر وفجأة يطلع قرار بتعطيل اليوم الدراسي.. أنتم مش عارفين أن فيه مطر؟.
جوجل نيوز
تطبيق نبض
