رسالة شقيق الشهيد عمر القاضى لـ الارهابيين "إحنا كتير ومش هننكسر..وورانا شعب مؤمن بينا"

كتب شقيق الشهيد البطل "عمر القاضي" شهيد كمين العريش، رسالة مؤثرة على صفحته بـ "فيس بوك"، مؤكداً على انه "مش زعلان" لإستشهاد شقيقه لأنه فى الجنة.

وأكد شقيق الشهيد البطل، ان عمر الان فى الجنة وكان يتمنى الشهادة، مؤكداً على ان زملائه لن يتركوا حقه، والارهاب لن يتمكن من سيناء وسيتم القضاء عليه.

"تحيا مصر" تنشر رسالة شقيق الشهيد البطل النقيب "عمر القاضي"، والتى جاء فيها:

"يا جدعان حاجه اخيره ،الناس اللي مكلماني تعزيني ، أنا مش زعلان ،اخويا شهيد يا بخته والله،محدش يزعل أو يتنكد عيدوا وانبسطوا بجد ، عمر مات وفيه ضباط وعساكر بتجهز دلوقتي عشان تستلم الكمين مكانه ، ولو ماتوا،هيستلمه غيرهم وغيرهم ،وممكن اخوك او ابنك في يوم يقف مكان عمر
وأنا المأموريه الجايه في سينا ، وسلاحنا كتير وعساكرنا ورجالتنا أكتر ،وورانا شعب مؤمن بينا
الخلاصه ان احنا مش هنخلص ومش هننكسر والشعب المصري هيفضل مسنود بينا زي ما احنا مسنودين بيه
بس لو في يوم شوفت صورتهم قول شكرا ياللي ضحيتوا عشانا
أنا عارف إن ولاد الوسخه بيشوفوا الكلام دا وبيوصلهم، بس احب اقولكوا إننا مبنتعبش وهنفضل وراكوا لحد ما تعفنوا مكانكوا يا تغرقوا في دمكوا"