عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

بالفيديو.. أول تعليق لمجدي عبد الغني عن بكائه في عزاء مبارك

تحيا مصر

نشر مجدى عبد الغني عضو مجلس إدارة اتحاد كرة القدم المصرى السابق، مقطع فيديو قصير عبر قناته الرسمية علي موقع "يوتيوب" كأول تعليق له علي بكاءه الشديد في عزاء الرئيس الأسبق محمد حسني مبارك، ثم ظهوره بعدها بساعات قليلة يبتسم في فرح نجلة مدحت شلبي.

وأكد الكابتن مجدي في مقطع الفيديو علي حب الرئيس مبارك له: قائلا" كان بيحبني الله يرحمه، وأنا في فترة حكمه تقلدت ألقابا وأوسمة كتيره جدا، وعلاقتي مع أولاده في منتهي الاحترام، لأنى بعزهم جدا على المستوي الشخصي وبحبهم، وأعتقد إن أنا امبارح المشاعر فرطت مني، وخرجت عفوية، وملهاش أي نوع من أنواع.. لا سيادة الريس الله يرحمه هيرجع يديني وزارة ولا هيرجع يديني منصب تانى، يعني أستاذ علاء ابتسامته دي علشان يهديني، بصراحة انا افتكرت كل الأيام الحلوة الى لما لعبنا مع بعض كورة، وافتكرت الريس لما حبيت أقابله وقالهم مجدي طبعا ييجي بسرعة، وقالى انت لسه ياض يا مجدي مربي دقنك".

وعن حضوره لفرح نجله المعلق مدحت شلبي بعد ذهابه للعزاء، قال:"وضع طبيعي جدا لعزاء لواحد انا بحبه جدا، وفي فرح بعده لواحد انا بحبه جدا وبعزه جدا، إيه المشكلة، انا ولا رقصت ولا حاجة، كل الى عملته روحت قعدت ساعة مع ابني، وخدنا بعضنا ومشينا، كابتن مدحت شلبي أخ كبير ليا.. انا سعيد جدا بالاهتمام دا، يعني دلوقتي لو دخلت على جوجل هتلاقيني تريند، لو دخلت على أى حاجة هتلاقيني انا نمرة واحد، فضل من عند ربنا، مع إنى مبعملش بالكلام دا فلوس، معرفش بيتعمل منه فلوس إزاى يعني، انما اهى دى شهرة".

وكان الكابتن مجدي عبد الغني ظهر وهو يبكي بشده في عزاء الرئيس السابق محمد حسني مبارك، فيما حاول أبناء الرئيس جمال وعلاء موساته وتهدئته.

تابع موقع تحيا مصر علي