طبيب بمستشفى النجيلة للعزل الصحي يكشف كيف تنقل "الكمامة" عدوى كورونا

كشف الدكتور محمد علام طبيب وأحد مسئولي مستشفى النجيلة للعزل الصحي، عن كيفية التفريق بين الأقنعة الصحية وأخرى ناقلة العدوى، مؤكدا أن الكمامات القماش لا تقي فى الأماكن المزدحمة "قولا واحدا" حسب تأكيده.

وقال "علام" من خلال منشور له على صفحته الشخصية على موقع "فيس بوك": الكمامات القماش بتقلل الانتشار لو بقى فى قرار مجتمعى ان الكل يلبس كمامات فلو لبسته هيقل الانتشار لكن الكماكات السيرجيكال أفضل لو متاحة.. لو مش متاحة أى حاجة تغطى وشك وغيرك عامل زيك الفرصه بتقل كتيير".

وتابع الطبيب محمد علام "و لابس كمامه N95 وكل اللى حواليك فى الزحمه مش لابسين كمامه ولا ليها لزمه هيقل فرصه ان يتنقلك العدوى لكن عينيك لسه مدخل مهم للفيرس مازلت معرض للخطر.. لكن لو كل اللى لابسين حواليك كمامات حتى لو قماش هتبقوا فى امان اكتر.. بلاش إعلانات تدى للناس إحساس الحماية الخاطئ كمامه قماش ملهاش لزمه غير لما الكل يلبس كمامات ومش هتمنع ١٠٠٪ لكن هتقلل الخطر بنسبه كويسه مقبوله".

ونصح طبيب مستشفى العزل متابعيه، بضرورة الحرص "بلاش الناس يوصلها ان حاجه ملهاش لزمه هتأمنها وتدخل الزحمه بصدر مفتوح لا لازم يعرف الحاجه اللى بيستعملها وامتا يستعملها".