نائب مدير مستشفى النجيلة يضع روشتة التعايش مع فيروس كورونا وشروط الحجر المنزلي

أولا عن طرق انتقال فيروس الكورونا، قال "علام": من خلال الرزاز والتلامس

اولا الرزاز ينقسم ل ٣ انواع
رزاز كبييير الحجم ينفل عن طريق التحدث عن قرب مع المصاب وبينقل لمسافه متر لمتر ونص ويسقط على الأرض
رزاز صغير الحجم وينقل عن طريق العطس والسعال لمسافات تتعدى المترين ويسقط على الارض بعد فتره قصيره
رزاز متناهي الصغر وده بيكون فى اجراءات طبيه معينه زى الانعاش القلبى الرئوى وتركيب انبوبه حنجريه للمريض (داخل المستشفى) ويظل معلق فى الهواء لساعات
عامل التهويه ليه دور مهم لو مكان سئ التهويه ومغلق هيظل معلق لفترات أطول ولمسافات اكبر
أما التلامس فمن خلال ملامسة أسطح تحتوى على الرزاز ثم ملامسة العين أو الأنف أو الفم.

أكثر الاسطح عرضه لتواجد الفيروس حولين المصاب؟ 
الموبايل - ريموت التلفزيون - الادوات الشخصيه - الحمام الشخصى - اسطح الغرفه المعزول بها المصاب حوالين السرير والمكتب لو بيستعمله ولو فى لابتوب نسبه تواجد الفيروس فى غرفه المصاب بتكون من ٧٠ لـ ٨٠ ٪ حوليه حسب لمس ايه بايده وهى محمله بالفيروس
ارضيه الغرفه بها الفيروس بنسبه ١٠٠٪ علشان الرزاز بيسقط على الأرض

 الفيروس بيعيش قد ايه على الاسطح ؟؟
البلاستيك والاستانلس من ٢ ل ٣ ايام
الورق والكرتون حتى يوم
النحاس ٣ ل ٤ ايام

 ازاى تأمن نفسك من الاصابه بالعدوى ؟؟
اولا ارتداء الشخص المصاب كمامه
ثانيا ارتداء كمامه للشخص السليم
ثالثا تطهير الايدى بالكحول او غسيل بالمياه والصابون جيدا
رابعا تطهير الاسطح بكلور ومسح الأرضيات
(الجوانتيات ملهاش لزمه طهر ايدك واغسلها اضمن الف مره وانا قلت فى اكتر من بوست وفيديو ليه مش هتأمن)

نعمل ايه فى حاله غزل مريض مصاب فى المنزل ؟؟
عدم مشاركة الأغراض الشخصية
ارتداء كمامة للمريض ولأسرته أثناء التعامل معه 
الاكل بمفرده والحمام مستقل فى حاله مشاركه الحمام يتم تطهيره بالكلور بعد كل استخدام
بعد الخروح من غرفه المصاب يتم مسح الحذاء (ارضيته) بالكحول او الكلور ومسح الطرقه بالكلور فى حاله خروج المريض من الغرفه لاى سبب
الاكل والشرب بمفرده وفى اطباق احاديه الاستخدام ولو اضطرينا لاطباق عاديه يتم غسلها جيدا ويتم ارتداء كمامه اثناء غسلها
عزل المريض بغرفه جيده التهويه .

إيه أخطر مكان ممكن يتنقلي العدوى فيه بسهولة؟ 
المواصلات والأماكن المزدحمة مثل المحلات والطوابيير اللى قدامها وعليها زحام والتجمعات البشرية زى العزومات والاماكن سيئة التهوية اللى بتعتمد على التكييفات
التكييفات والتهويه السيئه بتسهل انتقاله ونشر الفيرس لمسافة كبييره زى المطاعم المغلقه .

 فى خطر فى انتقاله ليا فى الشارع ؟؟
طالما ماشى فى الشارع بعيد عن الزحام واقل مسافه بينك وبين اى شخص مترين واكتر مفيش اى خطر نهائى وتلبس الكمامه زياده امان فقط لكن مفيش خطورة تقدر تتمشي كل يوم شوية بعد الفطار إنت وأسرتك بعيد عن الزحام فى أماكن مفتوحة. 

هل الفيروس بيضعف ؟؟
لا مفيش حاجه علميه بتقول كده بالعكس بدء ضعيف ثم بقى اقوى وانا اتكلمت فيها بالتفصيل فى اخر فيديو. 

هل طلع علاج فعال ؟؟
حتى الان لا ولسه التجارب مستمره وهتاخد وقت. 

هل فى لقاح فعال ؟؟
حتى الان لا لسه قدامنا شهور. 

هينتهى امتا الفيروس ؟؟
لما الناس يبقى عندها وعى وتطبق التباعد المجتمعى صح غير كده الله اعلم دول انتهى فيها بتباعد مجتمعى صح زى كوريا وتايوان وكل دول شرق اسيا .

وأبدى نائب مدير مستشفى العزل بعض الملاحظات على متابعيه على صفحته الشخصية بموقع "فيس بوك"، أهمها: 

- علاج الكوفيد لم يكن بحقن السيولة نهائيا، وخطر شرؤها أنها مُضرة وتسبب كوارث. 
- تطعيم الدرن لم يكن له دور في الشفاء. 
- درجه الحرارة ستقلل انتشار الفيروس فقط لكن لم تمنعه: "بالعكس الكورونا البشريه اللى بتسبب الانفلونزا العاديه بتنشط من شهر نوفمبر لشهر ابريل وتقل وتعود تانى احنا فى مايو والكوفيد لسه مكمل فعامل الحراره مش مؤثر جدا بيقلل لكن بنسبه ضعيفه".  

-تناول الأكل الصحى والفاكهة يكفي عن أدوية المناعة من الصيدليات لأن فيها كل الفيتامينات اللازمة للجسم. 
- وأخيرا " مفيش تحاليل تروح تعملها تطمن عندك ولا لا بلاش حد يستغلكم لما يكون فى اعراض هنعمل تحاليل واشعات نطمن وهتخلينى اشك او لا مش هتاكد او هتنفى وتكون فى مستشفى".