نجل الراحل خالد صالح يروي قصة مؤثرة عن والده تشعل منصات الـ"سوشيال ميديا"

روى نجل الفنان المصري الراحل خالد صالح قصة عن والده، أظهرت كم عظمة الفنان المبدع خالد صالح الذي طالما متعنا بأعماله التى وقرت في القلب وجعله حيًا في نفوسنا رغم رحيله عن عالمنا.

قال الفنان الموهوب أحمد خالد صالح: "مظهرتش وممثلتش على الشاشة وأبويا عايش على الإطلاق .. مكنش موافق على إني أمثل ولما أصريت مكنش بيحضرلي ولا عرض لما كنت بمثل في المسرح القومي .. كنت كل ما أكلمه في الموضوع يقولي اسعى واشتغل واتمرمط وبعدين تعالالي وأنت شقيان وهبقى أساعدك وأفتحلك طرق".

وتابع: "جيت في مرة قولتله طب ساعدني، قولي على تكنيك معين، حاجة أشتغل عليها وقيمني.. اداني مونولوج وقالي احفظه وهجيلك بعد 3 أيام .. في يومها حفظته وكتبته 20 مرة وقعدت أسمّعه على اللي في البيت واستنيته يرجع من المهرجان .. رجع وهدي وقعد قولتله يلا اوريك المونولوج وبدأت أقوله واندمجت.. في نص المونولوج بلف لقيته مغمض عينه".

واستطرد خالد صالح حديثه قائلًا: "مفهمتش في أيه بس كملت زي منا .. بعد ما خلصت فتح عينه وقالي تمام وقام .. مفهمتش وفضلت مستني يرجع قولتله قولي لو أنا وحش عشان أركز في حاجة تانية ومضيعش وقت .. رده كان "أنا خايف تطلع شاطر!".

وأضاف: "سألته ايه اللي يخوفك في كدا .. قعدنا نتناقش وكلمني عن كل ما يخص المهنة وأخطارها وأسرارها ودي كانت أول مرة نتناقش بالتفصيل في الموصوع ده .. قالي إنه كان مغمض عينه لإن في سنه ده هومهتم يسمع الكلام أكتر ويحس هو طالع منين".

اقرأ أيضًا..حمو بيكا يرد على منتقديه في فيديو جديد.. "انا ديكتاتوري"

ورصدنا التعليقات عبر مواقع التواصل الإجتماعي، والتي تنوعت بين الدعوات للراحل خالد صالح، ووتعليقات في عشق خالد صالح ونجله احمد.