أول رد من رضوى الشربيني بعد تحويلها للتحقيق بشأن تصريحاتها عن الحجاب "فيديو"

خرجت الإعلامية رضوى الشربيني لترد على منتقديها جراء قرار لجنة الشكاوى بالمجلس الأعلى لتنظيم الإعلام فتح تحقيق عاجل معها بعد تصريحاتها بشأن تصريحاتها عن الحجاب لتوضح سياق حديثها قائلة: "أنا غلطت أو أفورت في طريقة تعبير أو حاجة كنت عايزة أقولها عن المحجبات، لأنه كنت قابلت محجبات كتير أوي في الفترة دي، بيقولولي عايزين نقلع الحجاب عشان مش عارفين نخرج مع أزواجنا أو صحابنا مش محجبات وكده".

تابعت رضوى: "فطلعت أشكر في المحجبات أوي، وحس غير المحجبات إنهم مش كويسين، أنا بعتذر جدا لو فهمتوا دا، ماحدش هيدخّل الجنة أو النار غير ربنا سبحانه وتعالى".

واستطردت الشربيني حديثها في مقطع فيديو قائلة: "ولكن كان قصدي أقول المحجبة عملت اللي عليها أكثر مني واللي مش محجبة ودا مالهوش علاقة بأن غير المحجبة مش كويسة، وإلا أنه بقول على نفسي ست مش كويسة".

وأضافت: "ربنا اللي بيحكم مين يدخل الجنة والنار، أفورت أوي فيها وإتفرجت على الفيديو ولقيت ناس زعلانين وعندكم ألف حق الصراحة حقكم على راسي".

اقرأ أيضًا..هي مش غلط.. هاشتاج جديد يدعم رضوى الشربيني

وجاء ذلك عقب تصريح رضوى الشربيني خلال برنامجها "هي وبس"، حيث قالت: "لكل بنت عاوزة تتخلى عن حجابها اوعي تعملي كدا المحجبة أحسن 100 مرة من غير المحجبة".

يوم الجمعة يعني بعد يوم واحد من فيديو المحجبات رضوى الشربيني طلعت ووضحت سوء التفاهم يلي حصل بسبب المقطع ده وكمان اعتذرت من الناس يلي فهمتها غلط بس الغريبة انه محدش جاب سيرة الفيديو ده والكل هاجمها ورفعوا عليها قضية
فده يحسسك انه في حاجة غلط!#ادعم_رضوى_الشربيني #رضوى_الشربيني pic.twitter.com/tc5IILJNA1

— radwaelsherbinyFans - رضوى_الشربيني (@nona_my_life_) September 13, 2020