هقدم برنامج على قناة الزمالك.. وسوشيال الأهلي بهاليل.. أبرز 25 تصريح لمصطفى يونس على قناة الشمس

حل الكابتن مصطفى يونس لاعب الأهلي السابق ضيفا على برنامج ورا الشمس المذاع على قناة الشمس.

وادلى كابتن الاهلي السابق بعدد من التصريحات المثيرة نرصد ابرزها في السطور التالية : 

أبرز 25 تصريح لمصطفى يونس على قناة الشمس

أي حد يتمنى يمسك أي منصب في النادي الأهلي حتى لو على باب الحمام

الخطيب مش محتاج دعمي في الانتخابات لان اسمه كفاية

حسن حمدي عرض عليا العمل في الأهلي ورفضت

أنا من الشخصيات اللي بقول نعم ولا ودا مينفعش مع الخطيب وحسن حمدي

فترة حسن حمدي في الأهلي أنجح من محمود الخطيب

حسن حمدي أقوى من حسني مبارك وأولاده

جريدة الأهرام كانت بتدير مصر خلال فترة حسن حمدي والجريدة وقعت من بعده

أنا وحسن شحاتة كنا هنمسك جريدة الأهرام قبل حسن حمدي

ربنا يشفيك يا خطيب

أنا بكرة منظومة الكورة في مصر

القوي هو اللي بياخد حقة في الكورة في مصر وماشية سمك لبن تمر هندي

الأهلي والزمالك أقوى من اتحاد الكرة المصري

الأهلي أقوى من الجميع في الرياضة المصرية

أنا النادي الأهلي ومش منسوب للنادي الأهلي

هقدم برنامج في قناة الزمالك علشان ننهي على التعصب

سوشيال ميديا الأهلي شغالة على التعصب

أحمد شوبير مابيقدرش يهاجم الأهلي في الإعلام علشان خاطر مصطفى ابنه

سوشيال ميديا الأهلي عبارة عن "شوية بهاليل"

مش فارق معايا أرد على البهاليل.. واللي عاوز يفهم يفهم واللي مش عاوز هو حر

مسئول في الأهلي كان يشرب لي كل أخبار النادي علشان دوره مهمش وكان عاوزني أفضحهم

محمود كهربا أفضل من بيرسي تاو.. وأحمد ياسر ريان أفضل من ميكيسوني

ضغطي أرتفع لما عرفت سعر بيرسي تاو لانه مايسواش  3 تعريفة

مرات موسيماني دبست الأهلي في تاو وميكيسوني

نصحت الأهلي يشتري محمد صلاح في 2009 بـ 10 مليون جنية والخطيب رفض