محمد عاطف لـ حسن شاكوش بعد تصريحاته عن حماقي: "شهرتك بسبب الكلام الممنوع في أغانيك"

أعرب الشاعر محمد عاطف عن غضبه من تصريحات مطرب المهرجانات الشعبية حسن شاكوش بسبب اتهامه لحماقي بسرقة لحن تركي في أغنيته الشهيرة حاجة مستخبية.

تحيا مصر يرصد في ذلك التقرير تصريحات محمد عاطف لحسن شاكوش

وكتب محمد عاطف عبر صفحته الرسمية بموقع “فيسبوك”: “: "حسن شاكوش طلع امبارح مع الأستاذ عمرو اديب بيقول إن حاجه مستخبيه مسروقة من لحن تركي، وده غلط في حق الملحن مدين وفي حق الموزع أحمد إبراهيم، أحب أوضح بس أن الغنوه تم إعادة نشرها بعدها بفترة كبيرة من مطربة تركيه وأنهم في تركيا محترمين استأذنوا الأول، وتم تعويضى شخصيًا كشاعر أدبيًا وماديًا".

محمد عاطف: “أغانيك اللي عملت مليار مشاهدة عشان كلامك الممنوع”

وتابع محمد عاطف في حديثه:  عارف يعنى أيه يتكتبلك شكر خاص باسمك في ألبوم باللغه التركية، مش حراميه ولا عندهم قلة ذوق. ونجاح كلماتك وأن غنوتك عدت غنوة حماقى ( اللى فاهم مزيكا كويس أوى) وعملت مليار مشاهده مش عشان أنت اسطورة الجيل، عشان الناس لقت لحن حافظاه وبتحبه عليه كلام ممنوع والممنوع مرغوب (خمور وحشيش)".

تصريحات حسن شاكوش عن حماقي

وكان قد قال حسن شاكوش عن سرقة أغنية بنت الجيران من حماقي خلال حلوله ضيف على برنامج الحكاية للإعلامي عمرو أديب: “بنت الجيران بتاعتي هو حماقي ماله ومال بنت الجيران، حماقي كان عامل جاب 16 مليون وقالو اننا سرقين بتاع حاجة مستخبية لحنها تركي مضروب وبنقسم الفلوس على الـ 3شركات.

وأكد حسن شاكوش: “بنت الجيران كان مبصوص فيها فجابت 100 ألف دولار بس”.

وتابع حديثه عن أعماله الفنية فقال: “مشاهداتي على اليوتيوب 2 مليار و100 مليون مشاهدة، وأرقامي كلها حقيقية، والأغاني اللي مش ناجحة عندي بتجيب أقل حاجة 100 مليون مشاهدة”.

أخر أعمال محمد حماقي

جدير بالذكر أنه كانت أخر أغنيات محمد حماقي التي طرحها منذ أيام أغنية “خليك استثنائي” من كلمات تامر حسين، وألحان عزيز الشافعي، وتوزيع وميكساچ وديچيتال ماستر تميم، وإخراج طارق العريان.

وتعد كلمات أغنية خليك استثنائي: “أنا دُخت كتير وراها.. لو أشوفها أنا ببقى طاير زي اللي مسك في لعبة.. داس على كل الزراير ما أنا من إعجابي بيها.. متلخبط مش هجادل أنا بس فاضللي حبة.. وأديها عمري اللي فاضل، جمالها استثنائي.. جمالها استثنائي مافيش منه نهائي.. دي غطت ع الباقي، بصراحة كده.. غير التانيين دول جنبها.. مابقوش باينين وسألتها.. طب جايبة منين الضحكة الحلوة ديَّ، الله هالله هالله.. في عينيها الفرحة هالّة الله هالله هالله.. إديني الفرصة ياللا، جمالها استثنائي.. جمالها استثنائي مافيش منه نهائي.. دي غطت ع الباقي، بصراحة بقى.. دي ماحصلتليش كنز اتلقى.. فرصة مابتجيش كان قبلها.. مابيعجبنيش وأهي دي اللي ملت عينيا، الله هالله هالله.. في عينيها الفرحة هالّة الله هالله هالله.. إديني الفرصة ياللا، جمالها استثنائي.. جمالها استثنائي مافيش منه نهائي.. دي غطت ع الباقي”