زينة تشيد بفيلم "بحبك" لـ تامر حسني قبل طرحه في السينما

أشادت الفنانة المتألقة زينة بفيلم تامر حسني الجديد «بحبك» الذي من المقرر عرضه ضمن منافسة افلام عيد الأضحى وذلك بعد طرح البرومو الدعائي للعمل.

تحيا مصر يرصد في ذلك التقرير إشادة زينة بفيلم تامر حسني الجديد «بحبك».

وشاركت زينة الجمهور عبر حسابها الرسمي بموقع تبادل الصور والفيديوهات «انستجرام» التيلر الدعائي للعمل، وعلقت عليه: «حلو أوي شكله فيلم جامد، عجبني أوي التريلر وأكيد الفيلم رهيب مبروك يا تمورة جامد»، ليرد عليها نجم الجيل قائلا: «الله يبارك فيكي يا زنزون كلك ذوق يارب يا مسهل».

تفاصيل فيلم بحبك لتامر حسني 

ويعرض فيلم “بحبك” للفنان تامر حسني في يوم 7 من شهر يوليو المقبل، ليدخل ضمن الافلام المنافسة على عيد الأضحى المبارك، والعمل من بطولة تامر حسني وهنا الزاهد ويشارك في بطولته الفنان شريف دسوقي.

ويعد فيلم "بحبك" تأليف وإخراج تامر حسنى في أولى تجاربه بالإخراج السينمائي، وبطولة تامر حسنى، هنا الزاهد، حمدى الميرغنى، هدى المفتى، أحمد عزمى، مدحت تيخة، عمرو صحصاح، شهد الشاطر، عالية راشد وعدد آخر من الفنانين.

تامر حسني للشباب: “متبخلوش على بعض بالنصيحه و فعل الخير عشان ننهض ببلدنا”

وكان قد وجه الفنان تامر حسني رسالة لشباب المستقبل، فقال: “ متبخلوش على بعض بالنصيحه و الكلمه الطيبه و فعل الخير اي فكر شرير مهما كان كتير لازم يلاقي قصاده فكر خير اكبر و اكتر عشان ننهض ببلدنا و نسلمها لأولادنا احسن من ما كانت في زمنا هي دي رسالتنا كبشر و كل حد فينا مادام بيصحى من النوم بيلاقي نفسه لسه عايش لازم يعرف انه لسه مطلوب منه مهام في الدنيا لازم يعملها و يفرح ان ربنا مديله وقت و عمر يحقق فيه و مهما كانت الصعاب انت لازم تبقى بطل قصة حياتك ، عمركم سمعتوا عن بطل معندوش معاناه !!؟ مستحيل ،، المعاناه دي اللي هتصنع منك راجل قد المسؤليه و هتبقى بسببها بطل في قصة حياتك و مش عيب تبدأ من الصفر ياما ناس بدأت من تحت الصفر و وصلوا لأكتر من احلامهم انتوا كمان هتوصلوا ، ثقوا في نفسكوا و خلوا يقينكم بالله اقوى شيء ،، صراع الدنيا صراع يقيني ، صدق نفسك انت تقدر و انتي تقدري ،، يعلم ربنا انا بحبكوا قد ايه و نفسي اشوف شباب الوطن كله ناجح و فرحان و مفرح اهله مبروك يا امل مصر