هنا الزاهد تحتفل بنجاح فيلم بحبك: "تامر حسني مكنش بينام".. والأخير يرد: "ممثلة خطيرة"

وجهت الفنانة هنا الزاهد رسالة للجمهور وتامر حسني وصناع فيلمها الجديد، معربة عن سعادتها الكبيرة بدورها في فيلم بحبك الذي يعرض حاليًا بدور العرض السينمائية.

تحيا مصر يرصد تعليق هنا الزاهد عن مشاركتها بفيلم بحبك

هنا الزاهد فيلم بحبك

شاركت هنا الزاهد متابعيها وجمهورها بنشرها صورة من كواليس فيلم بحبك والتي تجمعها بالفنان تامر حسني عبر صفحتها الرسمية بموقع التواصل الاجتماعي لتبادل الصور والفيديوهات "انستجرام".

وعلقت هنا الزاهد على الصورة قائلة: "طيب لحظة عشان بجد أنا سعيدة بردود الفعل عن دور حبيبة في فيلم بحبك من يوم واحد بس في السينما، وكمية الناس اللي بعتتلي مش من مصر بس من الوطن العربي".

وأضافت: "بشكر عليها ربنا أولا الحمد لله يا رب، تاني حاجة بشكر عليها تامر لإن بإخراجك وصلت المشاعر اللي كنت نفسي أوصلها، وشكرا إنك كنت بجد بتسهر ومبتنامش عشان توصل بكل ممثل في الفيلم لأحسن ما فيه".

واختتمت الفنانة هنا الزاهد كلامها عبر صفحتها الرسمية قائلة: "تجربة استمتعت بيها جدا وبكل تفاصيلها، ومتحمسة للناس تشوف الفيلم في العيد".

تامر حسني فيلم بحبك

ومن جانبه رد الفنان تامر حسنى على كلامها من خلال خاصية التعليقات قائلة: "يا هنا مليون مبروك نجاحك أنا شوفته بعين جديدة العين اللي وعدتك بيها ودلوقتي ربنا بيجازينا كل خير مش بس عشان تقدم إيرادنا في مصر والوطن العربي”.

وأضاف: “لا عشان رضا الجمهور ودا أهم شيء.. إحساسنا كلنا وصل للناس عشان صدقنا بعض وانتي الحقيقة ممثلة خطيرة وارجعي للبوست اللي كتبته عنك قبل الفيلم كنت قايل إنك هتبقى أخطر ممثلات مصر في الجيل الحالي”.

اقرأ أيضًا

رامي عياش يحتفل بانتظار مولوده الثالث.. تعرف على جنسه

واختتم قائلًا: “إن شاء الله تكملى كدة.. متشكرينيش على إخلاصي ليكوا ده واجب عليا كمخرج ومؤلف إنكم كلكم تكونوا في أحسن صورة، والجمهور قال كلمته افرحي بنجاحك وبقلبك الجميل".

وشارك تامر حسني وهنا الزاهد في بطولة فيلم بحبك كلا من حمدى الميرغنى، أحمد عزمى، مدحت تيخا، هدى المفتى، عمرو صحصاح، شهد الشاطر، وعالية راشد وآخرين.