"مبيعملش حاجة وحشة".. الجمهور يشيد بـ أكرم حسني بعد أغنية "ياعم الصيف"

حازت أغنية اكرم حسني الجديدة بعنوان “ ياعم الصيف” على إعجاب عدد كبير من الجهور، جعلته يتصدر تريند موقع التديونات القصيرة “تويتر”،  وذلك بعد ساعات من طرحها ضمن إعلان شركة الاتصالات المصرية “we”.

تحيا مصر يرصد في ذلك التقرير تصريحات الجمهور عن أغنية ياعم الصيف

وتعد أغنية «ياعم الصيف» تحدي بين أكرم حسني وموسم الصيف، من تأليفه وغنائه، وطرحها عبر قناته الرسمية بموقع الفيديوهات الشهير يوتيوب، ومن المقرر أن تحقق نجاحات بالغة خلال الفترة المقبلة.

إشادات الجمهور بـ أغنية يا عم الصيف

وكانت أتت تعلقات الجمهور على العمل على النحو الأتي: “يا أخي انت برنس ربنا يحفظك..مفيش حاجه بتعملها اي كلام..رااااايق، اكرم حسني لما بيظهر سواء في فيلم او مسلسل او اعلان بيبقا جاامد.. اكرم حسني مبيعملش حاجه وحشه حتي الإعلان قمر.. اعلان اكرم حسني جامد ي جدعان بحب اشوف اكرم حسني بيعمل اي حاجه لازم اتابعها الوحيد ال بحب كل أعماله وعمري ما فوتلو حاجه احسن ممثل في مصر”.

كلمات أغنية ياعم الصيف 

وأتت كلمات أغنية ياعم الصيف على النحو الآتي: بقولك إيه يا عم صيف.. ما كانوش تلات شهور بتيجي فيها ضيف.. بقولك إيه يا عم صيف.. ما كانوش تلات شهور بتيجي فيها ضيف.. خليك لذيذ أرجوك بليز.. كل اللي طالبه منك تبقى ضيف خفيف.. لو بعد الشر لقيتك حر هاكون مضطر أتش.. عوامتي البط تيشيرتي الكات أقعد ع الشط أنش.. أنا عايز التان أربع تلوان ما تسيبش مكان في الوش.. وأغطس وأقب ومني تهب أنا أصلاً فانكي فريش.. بقولك إيه يا عم صيف.. ما كانوش تلات شهور بتيجي فيها ضيف.. هتولع .. هنولع.. هتلسوع .. هنلسوع.. هتولع هنولع هتلسوع هنلسوع.. لو جيت على غفلة ف حفلة أنا هعمل قفلة وتقلب زار.. وهأفتر أفتر ما هأفتر والصبح أفطر كاڤيار.. هتسد هسد أنا عندي الهيد إخشع لأديك إنذار.. خلصت خلاويص لو ع الترقيص سقّط في النص نيمار.. بقولك إيه يا عم صيف.. ما كانوش تلات شهور بتيجي فيها ضيف.. خليك لذيذ أرجوك بليز.. كل اللي طالبه منك تبقى ضيف خفيف.. هت هت هت هتولع .. هنولع.. هتلسوع .. هنلسوع.. هتولع هنولع هتلسوع هنلسوع.. هتولع .. هنولع.. هتلسوع .. هنلسوع.. هتولع .. هنولع.. هتلسوع .. هنلسوع.. هنولع.. هنلسوع”.

أكرم حسني في رمضان 2022

جدير بالذكر أنه شارك الفنان أكرم حسني في رمضان 2022 من خلال مسلسل «مكتوب عليا» الذي حقق نجاحت ساحقا ظهر من خلال ردود فعل الجمهور على السوشيال ميديا، وذلك بجان كلا من عمرو عبد الجليل وأيتن عامر، وهنادي مهنا.. وغيرهم من كبار النجوم.