بعد تعرضها للهجوم.. ريهام سعيد تدعم إيمي تاتو: “نحتت في الصخر لحد ما وصلت”

حرصت الفنانة والإعلامية ريهام سعيد على دعم إيمي تاتو،  صاحبة أشهر صالون تجميل، التي اشتهرت في الأونة الأخيرة بفيديوهاتها المثير للجدل التي تبثها بشكل مستمر على حسابها الرسمي بمواقع التواصل الإجتماعي.

تحيا مصر يرصد في ذلك التقرير دعم ريهام سعيد لـ إيمي تاتو بعد الهجوم عليها بسب أنباء دخولها في مجال تقديم البرامج

ريهام سعيد تهاجم منتقدي إيمي تاتو: قلة أديب

كتبت ريهام سعيد عبر حسابها الرسمي بموقع التواصل الإجتماعي “فيسبوك”: “يا عالم الرحمة، أولا ايمي تاتو مش طالعة مذيعة على قناة الشمس دي فقرة في برنامج ليه مذيعة  و الفقرة بتتكلم عن التجميل اللي هي اثبتت كفاءتها فيه،  ثانيا ايه كميه قله الادب دي وعلى فكره كل الي كاتب بوست يهاجم هايموت يشتغل في الاعلام هي ايمي الي خدت الفرصه منك ؟ لا محدش بياخد رزق حد".

ريهام سعيد: إيمي تاتو نحتت في الصخر عشان توصل للي هي فيه

وتابعت ريهام سعيد حديثها عن إيمي تاتو، فقالت: “ على فكرة في ناس على الشاشات بفلوسها وفشلة ومحدش بيتكلم جيتوا على الغلبانة اللي نحتت في الصخر لحد ما وصلت”.

ريهام سعيد توجه رسالة لـ إيمي تاتو

ووجهت ريهام سعيد رسالة لـ إيمي تاتو، قالت فيها: “إيمي دمك خفيف و عندك كاريزما و تتحبي و هاتكسري الدنيا  مش كل الي بيطلع علي الشاشه نسميه اعلامي في متدرب بس احنا بقينا صعب اوي،  حد فكر ممكن تبقى هي نفسيتها عامله ازاي دلوقتي، مش مهم صح ؟ المهم تطلع عقدك علي الناس و بس وفيديوهاتها اللي عامله ملايين هو ده مش جمهور ؟ عيب بقى الفاشل يطلع عقده علي الناجح لان و الله ما هاتاخد اكتر من رزقك”.

بعد أنباء دخولها في مجال الإعلام.. إيمي تاتو تتعرض لحملة هجوم شنية

جدير بالذكر، أنه تعرضت خبيرة التجميل إيمي تاتو، لحملة هجوم شرسة على السوشيال ميديا، خاصة من خريجي كليات الإعلام، بعدما كشفت قناة الشمس عن استعدادها لتقديم فقرة بعنوان “ضي القمر”، والذي من المقرر أن يعرض في يوم الأحد في تمام الساعة السابعة والنصف مساءا.