عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

مكنتش مصدقة لحد ما شوفت صورتي.. الرابعة على الثانوية العامة: محدش كان بيقولي ذاكري كنت عارفة طريقي كويس

شهد الرابعة على الثانوية
شهد الرابعة على الثانوية العامة

روت شهد مجدي فهمي محمد علي، من محافظة الشرقية، مدرسة أولاد صقر الثانوية بنات، الحاصلة على المركز الرابع مكرر بمجموع 399 في الثانوية العامة بشعبة علمي علوم، تفاصيل تلقيها خبر النتيجة.

وأعربت «شهد» في حديثها لموقع تحيا مصر، عن فرحتها الكبيرة بكونها ضمن الـ10 الأوائل على الجمهورية وحصولها على المركز الرابع مكرر، مشيرة إلى أنها تلقت الخبر من صديقات والدتها، قائلة: «مكنتش مصدقة لما بلغوني لحد ما شوفت الصورة بنفسي».

كان عندي ثقة كبيرة في ربنا

وأضافت: «في بداية السنة كنت متحمسة جدًا، وكان عندي ثقة كبيرة في ربنا، لسه مقررتش هدخل ايه، ممكن طب أو صيدلة أو علاج طبيبعي، كان أهم حاجة بالنسبالي أجيب مجموع كويس وخلاص».

النظام الحديث كان صعب جدًا

وعن النظام الحديث في العملية التعليمية، قالت: «نظام الثانوية العامة الجديد كان صعب جدًا ومحتاج مجهود كبير أوي ومتعتمديش على مصدر واحد في المذاكرة، كان مدرسين ويوتيوب وأونلاين»

وتابعت: «محدش كان بيقولي ذاكري كنت عارفة طريقي، ماما كانت دايمًا بتشجعني، وليها دور كبير في اللي أنا فيه، النظام الحديث لغبوطنا كتير وكنت عندي ثقة في ربنا بس كنت ساعات بفضل أفكر هقدر ولا، أنا متعودة إني دايما لازم أطلع من الأوائل».

" src="">

كما حرص شقيق شهد على توجيه التهنئة لها قائلًا: «كنا كلنا متوقعين ده هي اللي كانت شاكة في، كانت بتتعب وأكيد ربنا مكنش هيضيع تعبها».

كما تحدثت والدة شهد عن أول لحظات معرفتها بالنتيجة، قائلة: «زميلتي اتصلت بيا قالتلي شهد طلعت الرابعة على الجمهورية، فرحة لا توصف ومكنتش متوقعة بصراحة وكانت مفاجأة ليا، أول ما سمعت الخبر سجدت سجدة شكر، القلق بتاع السنة كلها وقلق اليومين اللي فاتوا راحوا بعد الفرحة دي الحمدلله، هي كانت عارفة مصلحتها ومش بتحتاج حد يقولها ذاكري، ربنا يحفظها ويديم التفوق عليها»

نتيجة الثانوية العامة 2022

اعتمد الدكتور طارق شوقي وزير التربية والتعليم والتعليم الفني، أمس الجمعة، نتيجة الثانوية العامة 2022، والتي سيتم إتاحتها لطلاب الثانوية العامة على موقع الوزارة في تمام الساعة السادسة مساءً، عبر اتباع الخطوات التالية: 

- الدخول على رابط الوزارة الرسمي لمعرفة نتيجة الثانوية العامة من هــنــا 

- كتابة رقم الجلوس الخاص بطالب الثانوية العامة.

- اختيار إظهار النتيجة، والتي ستظهر فور اعتمادها رسميا بالدرجات وليس بالنسبة المئوية.

تابع موقع تحيا مصر علي