بمناسبة ذكرى وفاته الـ 11.. جمعية المؤلفين والملحنين تعلن قبول عضوية حسن الأسمر

أعلنت جمعية المؤلفين والملحنين والناشرين عن قبولها عضوية الفنان الراحل حسن الأسم، وذلك في ذكرى وفاته ال 11 وبعد أن تقدم نجله هاني الأسمر منذ أشهر بطلب لقبوله عضوية والده.

تحيا مصر يرصد قبول عضوية حسن الأسمر

وفاة حسن الأسمر وأشهر أغانيه

اختفى حسن الأسمر فترة عن الساحة الفنية، حتى عاد بحملة إعلانية بدأ عرضها مع بداية رمضان 2011 لإحدى شركات المحمول على لحن أغنيته الشهيرة كتاب حياتى، وفى 7 أغسطس 2011 توفى إثر أزمة قلبية عن عمر ناهز 52 عاما.

كلمات أغنية كتاب حياتي يا عين حسن الاسمر

كتاب حياتى يا عين ما شفت زيه كتاب
الفرح فيه سطرين والباقي كله عذاب
عذاب عذاب عذاب عذاب

اوراقه هم واسى والحبر من دمعي
الحبر من دمعي من دمعي دمعي يا عين

كتاب حزين كله مآسي
تاليف زمان غدار آسي
الفرح سطر غلط مكتوب
لما الزمان كان يوم ناسي

مكتوب فى اول صفحاته
واحد غريب وادي حياته
حايعيش حزين ويسيبها حزين
امضاء زمن وتحياته وتحياته

كتب الزمان جواه همي
من غير ما يرحم ويسمي
كتب عليا البكى والنوح
وهان عليه دمعي ومي

الصحة دابت صفحتها
من الدموع لما قريتها
استكترتها الدنيا زمان
ومن زمان مني خدتها

كشف الحكيم اصبح عادة
ومن عيادة لعيادة
وكل واحد اروحله يقول
قطعت قلبي بزيادة

بدل الحكيم روحت لـ100
وخدت كل الادوية
والكل قالوا على جرحي
مخدناهوش في الكلية يا عنيا

دلوقت عندي ماتفرقشي
اطيب اروق ولا ماروقشي
العمر عدا وحملي كبير
لو كان جبل كان مايطقشي

ييجي الطبيب عندي احكيله
يقول سلامتك ادعيله
ولما اقوله ازي الحال
يخبي دمعه بمنديله

يا دنيا هاتي كمان هاتي
مايهمكيش هم حياتي
ما انا اصلي واخد ع الاحزان
والدمع في عيوني ليلاتي

عذاب وهم وتوتة توتة
وادي نهاية الحدوتة
بدموع عينيا واحزاني
الدنيا راضية ومبسوطة