عاجل
الأربعاء 05 أكتوبر 2022 الموافق 09 ربيع الأول 1444
رئيس التحرير
عمرو الديب

أحمد مجدي: أشتغلت في المحاماة يوم واحد وأدركت أني مش هعمل كدا تاني

أحمد مجدي
أحمد مجدي

حل الفنان أحمد مجدي ضيفًا مساء يوم الخميس الموافق 11 أغسطس في برنامج “مساء دي إم سي” الذي يقدمه الإعلامي رامي رضوان على شاشة تلفزيون قناة “دي إم سي”.

تحيا مصر يرصد أبرز تصريحات أحمد مجدي عن بدايته المهنية

وأثناء الحلقة تحدث الفنان أحمد مجدي عن بدايته المهنية وحياته أيام الثانوية العامة، حيث قال: “كان الدعم الحقيقي ليا جاي من إيمان أبويا وأمي وبالذات أبويا بأن أنا هلاقي المرجعية اللازمة بأن أنا أرجع للطريق بدون عنف هيحصل دا بشكل تلقائي”.

وتابع قائلًا: “وكان لازم أن الواحد يبذل مجهود أكبر ويستسلم لفكرة أنه هو دلوقتي مش عارف عايز ايه بالظبط ومش عارف هيعمله إزاي”.

نصيحة أحمد مجدي لطلاب الثانوية العامة

كما حرص أحمد مجدي على توجيه نصيحة لطلاب الثانوية العامة الذين يجهلون مصيرهم ويعانون من القلق والتوتر بشأن مستقبلهم، حيث قال: “اللي عارف بالظبط هو عايز يدرس ايه وعارف هو هيعمله إزاي وهيوصل لايه دا شخص نادر ومش طبيعي”.

وأضاف قائلًا: “لكن الطبيعي أن أنت لسه صغير على أنك تقرر حياتك هتبقى عاملة ازاي فأحسن حاجة ممكن الواحد يعملها أن هو يعمل اللي عليه في اللحظة دي، وهي دي أصعب حاجة ممكن الواحد يعملها، أن أنت تعمل حاجة على قد ما تقدر بس أنت مش شايف النتيجة، فللأسف هي دي أصعب اختبار في السن دا في ثانوية عامة، أن أنت أعمل بس اللي عليك دلوقتي وخد وقتك في أنك تكتشف بشكل عميق وحقيقي أنت عايز تكون فين كمان خمس أو أربع سنين، ومفيش مشكلة لو حصل اختيار ما مش دقيق”.

ومن جانبه تحدث أحمد مجدي عن تجربته الشخصية مع الحياة المهنية، حيث قال: “أنا لما دخلت حقوق في النهاية استفدت من التجربة وكان في خلال الأربع سنين بتوع الدراسة اللي عدوا بأعجوبة ابتديت ادرك أن أنا سينمائي  وعايز أشتغل في المسرح، فأنا أشتغلت محامي يوم واحد وأدركت أني مش هعمل كدا تاني”.

أخر أعمال أحمد مجدي

ومن الجدير بالذكر أن أخر أعمال أحمد مجدي مسلسل “الآنسة فرح” الذي تم عرضه يوم 8 من شهر مايو الماضي، وكان من بطولة أسماء أبو اليزيد وأحمد مجدي، ومن تأليف محمود عزت، وإخراج وائل فرج.

تابع موقع تحيا مصر علي