بشرى تطلق أولى أغاني ألبومها الجديد "الليل" في هذا الموعد| تفاصيل

تستعد الفنانة بشرى لإطلاق أولى أغاني ألبومها الجديد "حتة تالتة" بعنوان "الليل" غدًا الإثنين في تمام الساعة السادسة مساءً.

تحيا مصر يرصد موعد إطلاق أغنية بشرى الجديدة

حيث نشرت بشرى عبر حسابها الشخصي على موقع تبادل الصور والفيديوهات "إنستجرام" مقطع تشويقي من أغنيتها الجديدة "الليل"، وعلقت عليها قائلة: "استنوا أغنيتي الجديدة الليل من ألبومي الجديد حتة تالتة، موعدنا بكرا الساعة 6 مساءً".

ألبوم "حتة تالتة"

ويذكر أن الفنانة بشرى قد انتهت من تسجيل جميع أغاني ألبومها الجديد "حتة تالتة" مؤخرًا، استعدادًا لطرحهم تباعًا على فترات متفاوتة على موقع الفيديوهات العالمي "يوتيوب"، ومختلف المنصات الموسيقية.

أخر أعمال بشرى

ومن الجدير بالذكر أن أخر أعمال بشرى الغنائية أغنية "حاجة واحدة" التي تم طرحها عبر قناتها الرسمية على موقع الفيديوهات العالمي "يوتيوب" والمنصات الموسيقية يوم 1 من شهر يناير الماضي، واستطاعت الأغنية منذ عرضها وحتى الآن تحقيق أكثر من مليون مشاهدة.

أغنية "حاجة واحدة"

وتعد الأغنية من كلمات وألحان أحمد البرازيلي، وتوزيع إلهامي دهيمة، ومن كلماتها: “ ليه كل واحد لما بيتعرف بواحدة بيبقى نفسه في حاجة واحدة وكلنا عارفين هي ايه!!!؟ بالذمة يا ولاد بقى مش عيب أوي عليكو رافعين راسكو ازاي و فيكو ناس شايفانا بالنظرة دي، ليه كل واحد لما بيتعرف بواحدة بيبقى نفسه ف حاجة واحدة وكلنا عارفين هي ايه بالذمة يا ولاد بقى مش عيب قوي عليكو”.

كلمات أغنية “حاجة واحدة”

“رافعين راسكو ازاي وفيكو ناس شايفانا بالنظرة دي حاجة واحدة اللي انتو شاغلين بالكم بيها لو مش موجودة بتمشو وتشوفو حاجة بعديها، حاجة واحدة اللي انتو شاغلين بالكم بيها لو مش موجودة بتمشو وتشوفو حاجة بعديها كل واحد فيكم مش فالح غير بس يقضيها فين الرجولة ليه اتعدمت فيكو فجأة لو واحدة قالت ليكو لا مبتخلصش من الكلام”.

“من الكلام اه صحيح في منكم رجالة و بقوا عملة نادرة بس الأغلبية فاكرة اي بنت مش تمااااااام حاجة واحدة اللي أنتو شاغلين بالكم بيها لو مش موجودة بتمشو وتشوفو حاجة بعديها حاجة واحدة اللي أنتو شاغلين بالكم بيها لو مش موجودة بتمشو وتشوفو حاجة بعديها كل واحد فيكم مش فالح غير بس يقضيها”.