أحمد موسى ينصح طلاب الثانوية العامة: «مش كلكم هتدخلوا الخارجية»

وجه الإعلامي أحمد موسى، نصيحة هامة لطلبة الثانوية العامة بعد إعلان تنسيق المرحلة الأولى من قبل أيمن عاشور، وزير التعليم العالي، قائلا إنه يجب على الطلبة النظر إلى كليات القمة، والمقصود بكليات القمة هنا هي الكليات التي لها عمل ومستقبل في الفترة المقبلة وليست الكليات التي تأخذ من مجموع كبير. 

وأضاف أحمد موسى، خلال تقديمه برنامج "على مسئوليتي" المذاع عبر فضائية "صدى البلد"، وينقلها تحيا مصر، أنه يجب على الطلبة النظر للكليات التي لها مستقبل في الفترة المقبلة، ولا ينظر لكليات القمة خلال السنوات الماضية، "بلاش تدخل كلية ملهاش شغل خالص، روح كلية تطلع منها تشتغل، الدنيا بقت صعبة ومفيش شغل زي الأول في الفترة الحالية". 

وتابع أحمد موسى أنه يجب على الطلبة النظر إلى الجامعات التكنولوجية التي أصبحت هي المستقبل وهي كليات القمة في الوقت الحالي، مضيفا أن كلية الزراعة، والكليات التكنولوجيا بالكامل وكليات الحاسبات والمعلومات وكليات الذكاء الاصطناعي هي التي لها المستقبل، وهي التي ستوفر فرص عمل عديدة خلال السنوات المقبلة، "هي دي المستقبل وهي دي اللي فيها شغل". 

أحمد موسى: ابتعدوا عن كليات القمة الوهمية

وأردف أحمد موسى: "بلاش تبصوا على كليات القمة القديمة، بلاها اقتصاد وعلوم سياسية مش هتروح الخارجية يعني، بياخدوا عدد معينة وبيحددوا نسبة معينة وبتبقى على الفرازة، متفتكرش أنهم هياخدوا كل الناس، ونفس الموضوع لخريجي ألسن واللي حابب يدخل السن مش كلكم هتبقوا مترجمين فوريين يعني، واللي عاوز آثار أو إعلام يعني القنوات والجرايد هتاخد كل المتخريجين، بصوا للكليات التي ليها مستقبل قدام". 

ياسر علي ماهر: لو الفن حرام يبقى مفيش حضارة مصرية.. وظهر مجموعة من المشايخ ميعرفوش حاجة

رئيس جامعة بني سويف لـ تحيا مصر:الرئيس السيسى دعم فكرة الجامعات الأهلية من أجل توفير بيئة تعليمية فى كل المجالات وبأقل تكلفة على المواطنين

وشدد أحمد موسى على ضرورة الابتعاد عن كليات القمة والوهمية والنظر للكليات التي لها مستقبل كبير وفرص عمل عديدة، "دي المستقبل ودي اللي تضمن منها وظيفة مميزة في الفترة اللي جاية، أنا لما دخلت أداب صحافة في سوهاج 1983 اشتغلت أنا وخمسة فقط من زمايلي، متفتكرش إن الدنيا سهلة". 

وواصل أحمد موسى: “بصوا على كليات فيها ذكاء اصطناعي ولا فيها حاسبات ومعلومات، وكلا كلية الزراعة، ولا الجامعات التكنولوجية دي اللي العالم رايح ليها وهي دي المستقبل بجد”.