فيديو| بعد استغاثته الأخيرة.. متابع لـ حسن شاكوش: "حمو بيكا محتاجك".. هكذا رد الفنان

أثار مطرب المهرجانات الشعبية حمو بيكا، تعاطف عدد كبير من الجمهور في الساعات القليلة الماضية، بعدما خرج في لايف عبر صفحته الرسمية بموقع التواصل الإجتماعي فيسبوك، مستغيثا بوقف عمله بسبب وجود شخص ما يحاول عرقلة طريقه.

تحيا مصر يرصد في ذلك التقرير تصريحات حسن شاكوش عن علاقته بـ حمو بيكا

حسن شاكوش عن حمو بيكا: “ أخويا ومش بتأخر عليه في أي حاجة”

وصلت إستغاثة حمو بيكا لـ جمهور مطرب المهرجانات الشعبية حسن شاكوش، فعندما خرج الفنان ليعلن عن طرح أغنيته الجديدة “حنيلي”، طلب منه متابع مساعدة صديقه حمو بيكا في محنته التي يمر بها، فقال له: “حمو بيكا محتاجك دلوقتي ياريت تقف جنبه”، من جانبه رد حسن شاكوش على هذا المتابع، موضحا: “ حمو بيكا أخويا ومش بتأخر عليه في أي حاجة ودي اكتر فترة احنا قريبن من بعض فيها، وان شاءالله الفترة الجاية هيبقى في شغل بينا”.

تصريحات حمو بيكا الأخيرة

وكان قد خرج حمو بيكا في صباح اليوم الإثنين، في لايف عبر صفحته بموقع التواصل الإجتماعي “فيسبوك”، وقال: “حسبي الله ونعم الوكيل في العصابة، حسبي الله ونعم الوكيل في كل واحد واقف في طريقي وفي كل واحد بيأذيني، هو أنا عشان مدفعتش مشتغلش، طب قولولي انتوا عايزين كام، احنا بلدنا فيها قانون والقانون دا على دماغي، بس أنا رافع قضية بقالها كتير، قضية رشوة وقضية ابتزاز وقضيتي لغاية دلوقتي معرفش ايه اللي حصلها، هو مفيش غيري، أنا كل يوم بيعدي عليا بنار”.

واختتم بيكا حديثه، معربا عن شدة استيائه مما يحدث معه: “تعبان ومخنوق من ناس معينة، أشوف فيهم أمراض الدنيا يارب وواحد بالذات مش هقول اسمك عشان الناس عارفينك، نصاب عالمي كبير، وأنا لو شوفتك مش عارف هعمل معاك ايه”، ووجه رسالة للمسؤلين قال فيه أنه لن يتنازل عن كونه مصريا وحقه في تقديم أعماله الفنية  في مصر.

أغنية حنيلي لـ حسن شاكوش

من ناحية أخرى، طرح حسن شاكوش منذ ساعات مهرجانه الجديد “حنيلي” الذي تعاون به مع إسلام ساسو، واسلام المصري، والمخرج هادي الباجوري في تصوير كليب الأغنية.