سميحة أيوب عن الفن الحالي: تخلصنا من السنج والحشيش واللي بيشموا

كشفت، الفنانة سميحة أيوب، عن رأيها في الفن الذي يقدم في الوقت الحالي، لافتة إلى أنه أصبح أرقى بعد تخلصه من مشاهد العنف.

تحيا مصر يرصد تعليق سميحة أيوب على الفن الحالي. 

سميحة أيوب مع حضرة المواطن

وقالت سميحة أيوب في مداخلة هاتفية ببرنامج حضرة المواطن، الذي يقدمه الإعلامي سيد علي: "أعتقد إن الموسم ده تخلصنا من السنج والحشيش واللي بيشموا، وبدأنا ندور على الأسرة والشيء اللي ينفع الناس".

وتابعت: كان فيه مسلسلات وحشة خسارة الممثلين اللي مثلوا فيها.. كان فيه مسلسلات رائعة وفيه مسلسلات وحشة خالص، خسارة الممثلين اللي مثلوا فيها، أنت عايز توصّل للناس إيه من خلال العمل، يعني الفن ده شيء تنويري، وفيه كام سنة كده اتعمل حاجات ميصحش إنها تطلع وأطفال يشوفوها، الألفاظ المستحدثة والغريبة على مصر، واللي ماسك سنجة، خلوا الأطفال يقلدوها.

سميحة أيوب تعرب عن سعادتها بالفن المصري

وأضافت: دلوقتي أنا شايفة السنة دي إن فيه منحنى جميل جدًا بتتجه له الدراما، زي المناقشة السياسية والاجتماعية، وأنا سعدت إن فيه مهرجان للدراما وده بيشحن الناس، وبيخلي كل واحد بيعمل حاجة يعملها جيدة، علشان ممكن ياخد جائزة.

واختتمت سميحة أيوب حديثها قائلة: الممثلين عندنا جُمال جدًا والجيل الجديد طالع حلو أوي أوي سواء بنات وشُبان، فالمنافسة بتكون للأحسن وكل واحد بيبقى عايز يبان أحسن وإنه فاهم أكتر، ويدي للناس أكتر سواء كان موسيقي أو مغني أو ممثل أو مخرج، المهنة هترتقي من خلال التشجيع.

سميحة أيوب في العرض المسرحي فكرة سودة

حرصت كل من سيدة المسرح العربى الفنانة سميحة أيوب، والفنانة القديرة سميرة عبد العزيز، على حضور العرض المسرحى "فكرة سودة"، والذى استضافه مسرح مكتبة مصر الجديدة مساء أمس.

يذكر أن أحداث مسرحية "فكرة سودة" للكاتب والمخرج ياسين رياض تدور في مصر عام 2080 وهي من وحي خيال المؤلف ولا تمت للحقيقة بشيء فهي فكرة للمسرح التجريبي بطلها هو الدكتور نجيب قشطة دكتور الأمراض النفسية والعقلية وعالم وباحث في علم الروحانيات ويقوم دكتور نجيب بعدة أبحاث علمية هو وزملائه الأطباء حول إمكانية زواج الأنس بالجن بعدما أصبح الزواج من أصعب ما يكون ليقرر نجيب أنه لابد من وجود حل للعالم فيقوم بالبحث في علم الروحانيات ليجد الحل الوحيد في خروج جنية من العالم السفلي ويجرب هل ستنجح التجربة أم تكون فكرة سودة.