عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

سماح أنور لـ منتقدي تصريحها عن المياه: "متهروش على الفاضي دي حاجة تخصني"

سماح أنور
سماح أنور

خرجت الفنانة سماح أنور في تسجيل صوتي نشرته عبر حسابها الرسمي بموقع التواصل الإجتماعي “فيسبوك”، لترد على منتقدي تصريحاتها الأخيرة بشأن عدم تناولها المياه منذ 17 عام.

تحيا مصر يرصد في ذلك التقرير أول تعليق من سماح أنور على منتقدي تصريحها عن المياه

سماح أنور: مكنتش أعرف إن كلامي مؤثر علميا للدرجة دي

وقالت سماح أنور خلال التسجيل: طلعت من كام يوم، في لقاء تلفزيوني وحكيت عن تجربتي مع المياه، وبعدها لقيت صحفيين كتير بيقولوا لي الدنيا مقلوبة عليكي، وصحابي بعتوا ليا دكاترة بيردوا على تصريحاتي، أنا مش بشتغل في حاجة تخص الطب تخلي كلامي مؤثر علميًا للدرجة دي.

سماح أنور: كل اللي اتقال نصب وتقويل

وتابعت سماح أنور حديثها، فقالت: “لكن المذيعة كانت بتسألني عن تجربتي الشخصية مع المياه، حتى قالت لي الدكاترة هيشدوا في شعرهم لما يسمعوا كلامك، قلت لها الدكاترة صح ودي حاجة تخصني وما حدش يعمل به ونفعت معايا أنا، لكن ما قلتش اوعوا تشربوا مياه، وإلا أبقى ست مجنونة..  الناس سمعت أول كلامي وخلاص وأنا بنشر لهم الفيديو تاني علشان لما يلاقوا حاجة عكس الحقيقة يشيروا الفيديو، لأن الناس بتهري في الفاضي وعلى الفاضي، وكل اللي اتقال تقويل ونصب".

سماح أنور وتصريحاتها عن المياة

وكانت قد قالت سماح أنور خلال حلولها ضيفة على برنامج “كلام الناس” المذاع على قناة mbc مصر: "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضراوات والفواكه اللي فيها مياه.. بقالى 17 سنة مبشربش مياه خالص وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون وفيها شوائب كتير".

يذكر، أن أخر أعمال الفنانة سماح أنور مشاركتها في مسلسل “الليلة واللي فيها”، الذي عرض على منصة شاهد الإلكترونية في الأيام القليلة المقبلة،  والذي تخوض بطولته بجانب كلا من زينة ومطرب الراب الشهير أبيوسف، ورشدى الشامى ، سماح أنور ، محمد شاهين وتدور أحداث المسلسل في 6 حلقات تولى تأليفها  محمد رجاء، والعمل من إخراج هاني خليفة.

تابع موقع تحيا مصر علي