عاجل
الأحد 02 أكتوبر 2022 الموافق 06 ربيع الأول 1444
رئيس التحرير
عمرو الديب

وفاء عامر: مش ندمانة على مشهدي الجريء مع محمد رمضان.. وعجزت بعد ما والدي مات

وفاء عامر ومحمد رمضان
وفاء عامر ومحمد رمضان

كشفت الفنانة وفاء عامر عن العديد من الأسرار في حياتها الشخصية، بداية من الصعوبات التي واجتها في بدايتها الفنية، مرورا بـ وفاة والدها، وفي النهاية المشكلات التي واجتها بسبب الفن.

تحيا مصر يرصد في ذلك التقرير تصريحات وفاء عامر مع عمرو الليثي

وفاء عامر: معرفش يعني إيه واحد عايز كل حاجةعلى الطبطاب

تحديث وفاء عامر في بداية الأمر عن الصعوبات التي واجتها في حياتها الشخصية، خاصة بعد وفاة والدها، فقالت: “كنت مأجرة أوضة بـ 120 جنيه في الشهر وتعبت تعب لذيذ معرفش يعني واحد عايز يجيله كل حاجة على الطبطاب، ازاي عايز كل حاجة بدون ما تعمل أي مجهود”.

وفاء عامر: بعد وفاة ولدي شعري أبيض بدري وعجزت

وتابعت وفاء عامر حديثها عن أصعب المواقف التي تعرضت لها، فقالت: “أما أبويا مات حسيت إن شعر ابيض بدري وكبرت وعجزت جدا عشان مش هقول بابا تاني كان ‘حساس وحش جدا واليتم، وأمي كمان كانت صغيرة فكنت حساها مسؤلة مني مع ولادي، وكانوا هما أهم حاجة عندي”.

وأضافت: “كلهم استقروا معايا في القاهرة وكنت بفكر مين عايز ايه، أنا لو كنت عايز اشتري لنفسي جزمة كانوا هما الأول، حياتي كانت صعبة الأول لـ حد ما اتعودت”.

واستكلمت حديثها مشيدة بأخلاق وقيم والدها: “أبويا كان راجل طيب جدا لدرجة انه كان بيروج جنازة الناس اللي ميعرفهاش، راجل مصري فيه مجدعة بيسأل عن جيرانه، كان ونس واحنا محتاجين ديما الونس ونكون جنب بعض”، وأشارت وفاء عامر خلال البرنامج بأن فاروق الفيشاوي ساعدها كثيرا في حياتها.

وفاء عامر عن مشهدها الجريء مع محمد رمضان: “مش ندمانة عليه”

وتطرقت وفاء عامر بالحديث عن مشهدها الجريء المسرب مع محمد رمضان في مسلسل نسر الصعيد، فقالت: “مشهدي مع محمد رمضان الجريء مش ندمانة عليه بقوة وبعنف لو حاجة ضد الحاجات اللي مؤمنة بيها دلوقتي، بقالي 15 سنة بعمل أدوار متغيرة، مثلت المشهد الساعة 6 الصبح وكان مشهد مضاف واتسرب ازاي معرفش وسيبت رسالة لـ جمال العدل وقالي لو المشهد ده يخل بالسياق الدرامي هشيله والمشهد اتشال، المشهد ده كان ضد مبادئي ومش حابة يتروجلها تاني”.

وفاء عامر وخلافها مع درة

وعن خلافها مع الفنانة درة بسبب ترتيب الأسماء على تتر مسلسل نسر الصعيد، فأوضحت: “أنا مش بخاصم حد ومبسوطة جدا بحلقاتها في زي القمر واتبسطت جدا من الفرجة عليها، هي كانت ماضية قبلي وأنا تاريخي أكبر فكان المفروض اسمي يتحط قبلها بعد محمد رمضان على طول فحصل إختلاف في وجهات النظر”.

تابع موقع تحيا مصر علي