عاجل
الأحد 02 أكتوبر 2022 الموافق 06 ربيع الأول 1444
رئيس التحرير
عمرو الديب

زوجي مانعني من اللبس العريان وبتعالج نفسيا بقالي 12 سنة.. تصريحات وفاء عامر مع عمرو الليثي

وفاء عامر
وفاء عامر

حلت الفنانة وفاء عامر ضيفة على برنامج “واحد من الناس”، الذي يقدمه الإعلامي عمرو الليثي على قناة الحياة، والتي كشفت من خلاله العديد من المواقف والأسرار الهامة والمؤثرة في حياتها، ويرصد تحيا مصر أبرز تلك التصريحات في ذلك التقرير.

تصريحات وفاء عامر في واحد من الناس

  • جوزي راجل صعيدي وعنده ممنوع ألبس عريان أو أنزل في البيت من غير ما أقوله وأنا بقيت أحب الشكل المحتشم.
  • بقالي 12 سنة بتعالج نفسيا بسبب أدواري .
  • في أدوار مكنتش بعرف ألاقي فيها نفسي وأفضل أقول أنا جيتها قبل كدة وجيتها مع مين.
  • باخد حقي أما بتظلم ومفيش مظلوم بيموت قبل ما بيشوف يوم في اللي ظلمه.
  • كنت مأجرة أوضة بـ 120 جنيه في الشهر وتعبت تعب لذيذ معرفش يعني واحد عايز يجيله كل حاجة على الطبطاب.
  • أصعب إحساس عدى عليا أما أبويا مات حسيت إن شعر ابيض بدري وكبرت وعجزت جدا.
  • أبويا كان راجل طيب جدا لدرجة انه كان بيروج جنازة الناس اللي ميعرفهاش راجل مصري فيه مجدعة بيسأل على جيرانه.
  • مشهدي مع محمد رمضان الجريء مش ندمانة عليه مع إنه ضد مبادئي.
  • مش زعلانة من درة وخلافي معاها لأن هي كانت ماضية قبلي وأنا تاريخي أكبر فكان المفروض اسمي يتحط قبلها بعد محمد رمضان على طول.
  • أنا العمدة بتاع البيت، عشان ماليش إخوات ولاد فكنت ببقى الولد والبنت ومعاملتي بتبقى صعبة أحيانا.
  • مزعلتش من شائعة إني ام أيتن عامر لأني لو اتجوزت بدري كنت هخلف قدها.
  • مبعملش حاجة ضد اللي بيقوله المخرج بس ساعات بيطلع مني حاجات عفوية غصب عني بحسها عفريت الشخصية وبيطلع مشاهد مش بتاعتي.
  • أهلي أهم  حاجة في حياتي ولو كنت عايز اشتري لنفسي جزمة كانوا هما الأول.
  • اللغة العربية بتدور على أحلى مشاعر في الفنان وبتطلعها والصعيدية اتعلمتها من الجيران.

أخر أعمال وفاء عامر الفنية 

من ناحية أخرى، كانت أخر أعمال الفنانة وفاء عامر الدارمية، مشاركتها في مسلسل “بيت الشدة” بدور البطولة، أمام كلا من النجوم،  أحمد وفيق، مها أحمد، إيهاب فهمي، محمد مهران، محسن منصور، أحمد التهامي، ومدحت تيخا، عبير منير، صبري عبدالمنعم، لبنى ونس، وبسنت حاتم، ندى بهجت، منى العمدة، وعدد من الفنانين.

تابع موقع تحيا مصر علي