عاجل
الجمعة 09 ديسمبر 2022 الموافق 15 جمادى الأولى 1444
رئيس التحرير
عمرو الديب

عفاف شعيب عن تعرضها للانتقادات بسبب تصريحاتها الأخيرة: "الرسول نفسه كان بيتحارب"

عفاف شعيب
عفاف شعيب

تعرضت الفنان عفاف شعيب لـ حملة هجوم وانتقادات شنيعة بسبب تصريحاتها الأخيرة مع الإعلامية ياسمين عز في برنامج “كلام الناس”، خاصة تصريحها عن شراء ملابسها من ألمانيا.

تحيا مصر يرصد في ذلك التقرير تعليق عفاف شعيب انتقادات تصريحها بشأن استيراد ملابسها من المانيا

عفاف شعيب: عايزين الواحد يمشي مجربع

خرجت عفاف شعيب لترد على تلك الانتقادات، فقالت خلال مداخلة هاتفية لـ برنامج “كلمة أخيرة”، التي تقدمه الإعلامية لميس الحديدي على شاشة قناة أون: "أنا خدت ثواب كبير بسبب كلامهم ده، اما انا هدخل الفردوس الاعلى ببلاش، كلنا بنتحارب.. والرسول لحد دلوقتي بيتحارب، الثقة اللي ارتحت فيها لحد دلوقتي هي اللبس الألماني، معلش ومش عايزة حد يزعل مفيش مقاس في الصناعة المصرية مظبوط، أنا بلف مصر كلها عشان ألاقي لبس مش بلاقي.. عايزين الواحد يمشي مجربع يعني؟.

عفاف شعيب: لبسي كله مستورد من ألمانيا

وكانت قد صرحت عفاف شعيب خلال برنامج كلام الناس، عن طريقتها في اختيار ملابسها المتناسقة، فقالت: “ش كل الموديلات بتناسبنا كمحجبات ومظلومين، وأنا لأني كنت بسافر كتير فلبسي كله من بره، دلوقتي مفيش استيراد وبقيت في حوسة، وفي محل كنت بتعامل معاه من زمان وكنت باخد منه لبس بالهبل وكل البدل المستوردة من ألمانيا”.

وتابعت: “ لازم المحجبة تهتم بلبسها وتكون منظمة ما حدش يقول ايه الحجاب ده، لأني بشوف ناس بيعملوا حاجات غريبة، لازم اللبس يكون منسق.. أنا لما بلبس دهبي لازم ألبس لها دهب مش ألماظات كل حاجة لازم ألبس لها الشيء اللي يناسب، ولو لابسة بدلة أو بادي دهبي ما ينفعش البس عليه حاجة بيضة، وببذل مجهود كبير ولما بفتح الدولاب بقلب الدنيا وأقول يا رب اختار لي بذات لما أكون طالعة في البرامج لو في التمثيل باخد الدولاب كله معايا".

أخر أعمال عفاف شعيب

 من ناحية أخرى، كانت أخر أعمال الفنانة عفاف شعيب، مشاركتها في حكاية “واحد في المية” من مسلسل “زي القمر” الجزء الثاني، وكانت تتناول تلك الحكاية قضية المكفوفين ومشكلاتهم في المجتمع، وكانت من بطولة صابرين، مدحت صالح، عفاف شعيب، وغيرهم، ومن تأليف نداء الشندويلي، وإخراج أحمد شفيق.

تابع موقع تحيا مصر علي