عاجل
الأحد 27 نوفمبر 2022 الموافق 03 جمادى الأولى 1444
رئيس التحرير
عمرو الديب

عمرو أديب: دا إحنا هنشوف اللي محدش شافه.. فيديو

عقب الإعلامي عمرو أديب، على تطورات الوضع العالمي وبخاصة الازمة الروسية الأوكرانية، قائلا: "يبدو أننا هنشوف اللي محدش شافه خالص".

تحيا مصر

وأضاف الإعلامي عمرو أديب، خلال برنامج "الحكاية" المذاع عبر فضائية "إم بي سي مصر"، مساء الإثنين، :"كل اللي حضروا الحرب العالمية الثانية بيقولوا إحنا شفنا اللي محدش شافه، لا إحنا شفنا أكتر شوية، شفنا الوباء والحروب، شوفنا اللي محدش شافه".

وتابع:"الرئيس الروسي بوتين هدد بالخيار النووي، والخبراء يرون أن روسيا لديها 3 اختيارات نووية ومنها قنبلة نووية  كهرومغناطيسية تستطيع إيقاف كل الاتصالات الإلكترونية في أوكرانيا والدول المجاورة".

أديب: روسيا لديها قطار القيامة

وأكمل:"روسيا لديها قطار القيامة، وبيقولوا القطار ده اتحرك، ولديهم غواصة نووية يطلقون عليها غواصة يوم القيامة، وبداخلها 6 من التوربيدات النووية ويستطيع التوربيد الواحد ضرب أي هدف على بعد 1000 كيلو، معقبا: "هما مش لاقين الغواصة دي حاليا".

وأردف: "يتردد أن الغواصة موجودة في القطب الشمالي ومن هناك ممكن تضرب، وفي الحالة دي مش عايز حد يكلمني في الأسعار أو عن المستقبل، حاجات يوم القيامة كلها بتتحرك، حيث تستطيع الغواصة أن تعيش تحت المياه 120 يوما".

وفي سياق أخر، استنكر الإعلامي عمرو أديب، خناقات الديسك الأول، التي تحدث في المدارس في أول يوم دارسة، قائلا:"عايز أعرف سبب خناقة الديسك الأول، ليه الأمهات بتتخانق عشان تقعد أولادها؟.

وأضاف أديب،:"لو أمك شديدة هتقعدك أدام، لو أمك مش متغذية هترجع ورا".

أديب يستنكر ارتفاع أسعار الفينو

وتابع:"الكرسي مش مكتوب عليه لا إبراهيم ولا بولس، إيه اللي بيجرى ده، كده ولي الأمر ممكن يعمل أي حاجة في المدرسة عشان يقعد ابنه في الديسك الأول، معقبا:" لو مدير المدرسة مش قادر تظبط المدرسة مش هيكون في مدرسة".

 وأضاف: "إحنا كده بنعلم أولادنا أن كل حاجة تيجي بالغصب والعنف وبالدراع،  كده ابني اتعلم تعليم سيىء جدا، معقبا:"يجب أن يجلس الطلاب داخل الفصول وفقا للمفروض وليس لرغبات ولي الأمر". 

وفي وقت سابق، عقب الإعلامي عمرو أديب، على ما تردد بشان ارتفاع سعر رغيف الفينو وانخفاض وزنه في بعض المخابز، قائلا: "مقدرش أقول لأب بدل ما تدي ابنك ساندوتشين اديله ساندويتش واحد، ومقدرش أقول لصاحب المخبز اخسر".

وأضاف الإعلامي عمرو أديب،:" رغيف الفينو الصغير عبارة عن قطمتين عند الطفل المصري".

 

 

 

 

 

 

 

تابع موقع تحيا مصر علي