بعد تصريحات عروس الإسماعيلية.. رضوى الشربيني: "اسمع صوت أي مهزأ بيقول للست اتنازلي"

علقت الإعلامية رضوى الشربيني عبر حسابها بفيسوك، على تصريحات عروس الإسماعيلية الأخيرة، بشأن تعرضها للضرب من زوجها، بعد مرور 8 أشهر على زواجهم.

تحيا مصر يرصد لكم تعليق رضوى الشربيني على تصريحات عروس الإسماعيلية

رضوى الشربيني: أسمع بقى صوت أي حد مهزأ بيقول للست اتنازلي علشان تعيشي

وكتبت رضوى الشربيني عبر حسابها الرسمي بموقع التواصل الإجتماعي فيسبوك: أسمع بقى صوت أي حد مهزأ بيقول للست اتنازلي علشان تعيشي.

وتابعت رضوى الشربيني: البيت بيتبني على المودة والرحمة اللي ربنا قال عليهم، مش على التنازل والإهانة يا عدماء الكرامة.. حق الست في الدين والشرع والقانون إنها تعيش حياة كريمة.. وللأسف وصلنا من الجهل والرخص إنها لما تتطلب بحقوقها تبقى بتخرب بيتها.

رضوى الشربيني تدافع عن ياسمين عز

ويذكر أن دافعت رضوى الشربيني عن ياسمين عز خلال برنامج Et بالعربي: “أنا بعيدة خالص عن السوشيال ميديا، لكن بشكل عام برفض التنمر تماما شكلا وموضوعا سواء على ياسمين عز وأي واحدة، من التنمر السلبي اننا بنمسك بنت أو اي واحد ونتريق عليها عشان نبقى تريند، وأنا مقتنعة إن الإعلامية لازم يكون كلامها حلو زي مظهرها ويكون عقلها واعي لأن الجمال سبب من أسباب النجاح ولكن مينفعش نعتمد عليه”.

تصريحات ياسمين عز عن الرجال

وكانت قد أثارت الإعلامية ياسمين عز الجدل بعد تصريحاتها عن الرجال ودفاعها المستمر عنهم، والتي جاءت: أنتي فاكرة أخر مرة قولتي لجوزك قصة شعرك حلو.. أو خد البرفيوم دي حلوة أوي جربها عليك!.. دايمًا حسسيه بالتاتس بتاعك في حياته، شكله.. هدومه.. الحركات دي، عشان دايمًا يكون محتاجلك، دايمًا يحس إنك لو مقولتيلوش على حاجة ولو بسيطة يحس إن في حاجة ناقصة.

وتابعت: والله لو اهتميتي بجوزك نص الإهتمام اللي بتهتميه لغسيل السجاجيد، وغسيل المواعين عمره ما يفكر يبص لواحدة برا غيرك.. واللي أنتي مش عارفاه إن الراجل أساسه طفل، طول الوقت محتاج رعاية واهتمام، اعتبريه ابنك وشوفي معاملته معاكي هتتغير ازاي.. جوزك دايمًا محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده.