عمر كمال: اليوتيوب فلوسه كتيرة مش هنكر.. وأخر 3 أغاني ليا معملوش نجاح يرضيني

أكد مطرب المهرجانات عمر كمال على أن الدخل الذي يحصده من قناته عبر موقع الفيديوهات العالمي “يوتيوب” من الممكن أن يجعله يستغنى عن إقامة الحفلات ولكن بشرط الاستمرارية.

تحيا مصر يرصد تفاصيل تصريحات عمر كمال في مساء دي إم سي

حيث قال عمر كمال خلال حواره اليوم ببرنامج “مساء دي إم سي” مع الإعلامي رامي رضوان: “المشاهدات الكبيرة اللي على اليوتيوب بتعمل دخل ممكن يخليني أقول معملش حفلات وأعمل أغاني بس تكسر الدنيا على اليوتيوب، بس هل أنت تضمن أنك تفضل تعمل أغاني بالأرقام دي؟”.

خلل في قناة عمر كمال على اليوتيوب

وتابع عمر كمال حديثه عن قناته على اليوتيوب قائلًا: "أنا أخر 3 أغاني زي "حلوين"، و"سهرانين" حصل خلل كبير جدا في قناتي وانا بمر بأزمة لأن أخر 3 أغاني معملوش نجاح يرضيني بسبب أن القناة فيها مشكلة ايه هي معرفش وأثرت جدا على ربحها، يعني لو أنا مثلا بكسب 100%  فهي نزلت ل 10% لكن اليوتيوب اه بيدخل فلوس، والدنيا كلها دلوقتي يوتيوب".

وأضاف: “ودلوقتي أنا كنجم عشان أمضي مع شركة أو يجيلي إعلان أو مسلسلات أكتر حاجة بشوف أنت مشاهدات قد ايه وعندك قناة فيها قد ايه لان انا عايز احط على القناة عندك شغلي”.

أزمة عمر كمال مع جمعية المؤلفين

وفي الحلقة ذاتها، علق عمر كمال على أزمته مع جمعية المؤلفين والملحنين بسبب أغنيته الأخيرة “خلينا سهرانين”، حيث قال: "خلصت الموضوع مع جمعية المؤلفين بخصوص أغنية خلينا سهرانين.. الموضوع كله كان فيه لبس.. أنا بحسل أن الحقوق مع شركة معينة فأنا حطيت الموضوع”.

وتابع: “وقولت خلاص أنا هتصافى أنا والشركة ومعرفش أن فيه ورثة مضيين مع جمعية المؤلفين والملحنين.. وأول لما عرفت أن فيه مشكلة روحت على طول وعملت طلب وقالولي في رسوم دفعتها والموضوع تمام”.