الملحن إيهاب عبد الواحد يعلن تعاونه مع أنغام: "أغنيتين كاتبهم أكرم حسني"

أعلن الملحن إيهاب عبد الواحد خلال لقاء مع برنامج The insider  بالعربي عن وجود تعاون له مع أنغام في أغنيتين على أن تكون الكلمات من الفنان أكرم حسني.

تحيا مصر يرصد لكم تفاصيل تعاون الملحن إيهاب عبد الواحد مع أنغام وأكرم حسني 

تعاون بين إيهاب عبد الواحد وأنغام 

وقال الملحن خلال لقائه في البرنامج: بعمل أغنيتين جداد لأنغام حلوين أوي.. والجامد إن اللي كاتبهم أكرم حسني.

ويذكر أن حرصت أنغام، على تهنئة الفنان مصطفى كامل  لفوزه بمنصب نقيب المهن الموسيقية، متمنية له دوام التوفيق.

أنغام توجه رسالة لمصطفى كامل بعد فوزه في الانتخابات

وغردت أنغام، عبر حسابها الرسمي على موقع التدوينات القصيرة تويتر، قائلة:" مبروك للأستاذ الشاعر الفنان مصطفي كامل فوزه بمقعد نقيب الموسيقيين أتمنى أن يوفقه الله في خدمة الموسيقي والموسيقيين في مصر".

أحدث أعمال أنغام الغنائية

وقد طرحت النجمة أنغام أحدث أغانيها على موقع "يوتيوب" التى تحمل اسم "عارفة قيمتى"، من كلمات أمير طعيمة وألحان عمرو مصطفى وتوزيع تميم.

وتقول كلمات الأغنية:

بنخطف وقت من الدنيا ونتسابق مع الأيام
وعمرنا كام عشان نقبل ثواني في عمرنا يضيعوا
بقيت مابجيش على نفسي عشان مخلوق
أنا إللي بسوق.. وقبل ما حد بيبعني أنا ببيعه

عارفة قيمتي وعارفة أنا مين
ده الطريق إللي أنا ماشياه مش مهم الناس عايزين
المهم إللي أنا عايزاه
كل ثانية أنا ناوية أعيش.. وإللي فات هنساه

دنيا وبنعيشها.. وإللي يعيش ياما يشوف
وفيه ناس نقابلها أصلا مش وش كسوف
على إيه نقدرهم ونكبرهم والموضوع معروف
لو خايف تخسر حاجة.. اخسرها وانت تبطل خوف

سنين في العمر بنعيشها على الفاضي بنرضي الناس
فهمت خلاص كفاية عليا إني أعيش وأرضيني
وهعمل كل شيء في حياتي أنا عايزاه
مادام حباه.. من الآخر كلام الناس لا يعنيني

دنيا وبنعيشها.. وإللي يعيش ياما يشوف
وفيه ناس نقابلها أصلا مش وش كسوف
على إيه نقدرهم ونكبرهم والموضوع معروف
لو خايف تخسر حاجة.. اخسرها وانت تبطل خوف

لو خايف تخسر حاجة.. اخسرها وانت تبطل خوف