"ممكن أبيع روحي عشان كندة والفلوس اللي بناخدها من التمثيل يدوبك بتعيشنا".. تصريحات عمرو يوسف في الحكاية

فجر الفنان عمرو يوسف، مجموعة تصريحات جريئة خلال ضيافته على برنامج الحكاية الذي يقدمه الإعلامي عمرو أديب على قناة mbc مصر، وذلك بعد نجاحه في مسلسل “وعد ابليس”، الذي عرض مؤخرا على منصة شاهد الإلكترونية، وفي ذلك الإطار يرصد تحيا مصر أبرز تصريحات عمرو يوسف في الحكاية.

تصريحات عمرو يوسف في الحكاية

• صورتي مع كندة في مهرجان فينسيا كانت بسطية جدا والناس اللي عملوه تريند.
• ممكن أبيع روحي عشان كندة وكنت بتخيلها في مسلسل وعد إبليس.
• مسلسل وعد إبليس هيتعرض على منصات عالمية بسبب مشاركة أجانب فيه.
• الشقلبات اللي بعملها في وعد إبليس كانت بنفسي وكنت بروح أتدرب عليها قبل التصوير.
• التحضيرات لـ وعد ابليس كانت كبيرة جدا وكنا بنصور المشهد في يوم.
• حلقات مسلسل وعد إبليس الـ 6 كنا بنحضرلها كأنه 30 حلقة.
• كنت بقعد في وعد إبليس 9 ساعات تحت الماية وبعد تصوير المشهد بتعب.
• الفلوس اللي بناخدها في التمثيل يدوبك بتعيشنا والناس مش بتشوف التعب اللي بنتعبه.
• بقضى معظم وقتي مع بنتي وأنا أب كويس جدا وهي لذيذة ودمها خفيف وبحب القاعدة معاها.
• عالم  الجن ده كله بعيد عني وبحاول اسد وداني منه ومش مقتنع ان ممكن يكون في جن بيفرق بين حد ومراته.
• أنا وفتحي عبد الوهاب قربنا من بعض في مسلسل وعد إبليس وهو راجل مثقف ومتفتح وواعي.
• مها أبو عوف ست فريش وجميلة ولذيذة وبتحب الحياة وكانت بتهزر لـ أخر وقت واتشرفت اني عرفتها.
• كان لازم اصدق اللي بعمله في المسلسل عشان أقدر أقدمه للناس واعتمدت في وعد إبليس بشكل كبير على الأداء الصامت ودي كانت صعوبة دوري.

عمرو يوسف في وعد إبليس

يذكر، أنه قد تألق الفنان عمرو يوسف في مسلسل وعد إبليس، الذي انتهى عرضه منذ أيام على منصة شاهد الإلكترونية وحقق من خلاله نجاحات ساحقة بعدما أصبح حديث السوشيال ميديا خلال فترة عرضه، ليس هذا فقط، بل تصدر قائمة الأعلى مشاهدة عبر منصة شاهد الإلكترونية، وهو من بطولة  عمرو يوسف، فتحي عبد الوهاب، السعودي يعقوب الفرحان، الأمريكية بولا باتن، والتونسية عائشة بن أحمد، ومن المقرر ان يطلق جزء ثاني من العمل خلال الفترة القليلة المقبلة، وفقا لما أعلنه عمرو يوسف في برنامج الحكاية.