تامر حسني: قدمت ناس كتير وقلوبهم اتغيرت بعد النجاح بس هنا الزاهد زي ما هى

حرص النجم تامر حسني على تهنئة الفنانة هنا الزاهد بعد حصولها على جائزة أفضل ممثلة سينمائية عن فيلمها الأخير "بحبك" أمس في مهرجان الفضائيات العربية، وتوجيه رسالة مؤثرة تشيد بشخصيتها الحقيقية وموهبتها الفنية.

تحيا مصر يرصد تفاصيل تهنئة تامر حسني لـ هنا الزاهد

حيث نشر تامر حسني مقطع فيديو لـ هنا الزاهد وهي تتسلم الجائزة عبر حسابه الشخصي على موقع تبادل الصور والفيديوهات إنستجرام، وعلق عليه قائلًا: "بكتب بوست عن هنا والله والله مش عشان بتهديلي الجايزه لا … بكتب كلمة من قلبي عشان هي بنت قلبها جميل ومقدرة المجهود اللي عملته عشانها وعشان كل الممثلين نوع القلب دا مبقاش موجود اوي".

تامر حسني يشيد بـ هنا الزاهد

وتابع تامر حسني في منشوره قائلًا: "ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جانبهم واخلصولهم من كل قلوبهم .. كنت فاقد الامل في النوع دا من القلوب يمكن عشان قدمت ناس كتير و للاسف معظمهم قلوبهم اتغيرت بعد ما نجحوا".

واستطرد: "بس للأمانة هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي الفيلم اللي حقق أعلى إيراد دولي في تاريخ مصر والعرب و تجاوز ال ٦٠٠ مليون في ظاهرة أولى من نوعها".

واضاف: "ومش بس إيرادات لا دا حقق أعلى عدد زوار سينما في تاريخ السينما وبتتكرم عنه دلوقتي بجايزة مبياخدهاش إلا المتميز المبدع افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانة بيكي وأنا بجد فخور بيكي وبقلبك الجميل المحترم الأصيل، شكراً على الجايزه مستنيها في شركتي مليش دعوة".

تفاصيل فيلم “بحبك”

ويشارك في بطولة فيلم “بحبك” كلا من: تامر حسني، هنا الزاهد، هدى المفتي، حمدي الميرغني، مدحت تيخا، عمرو صحصاح، شهد الشاطر، عليا راشد، فرح الزاهد، سمر متولي، أحمد عزمي، فرح كمال، وغيرهم، ومن تأليف وإخراج تامر حسني.