الإعلامي محمود سعد يفتح النار على والد حسام حبيب: الست لما تربي ابنها بيكون بسبب قلة أدب الرجالة

فتح الإعلامي محمود سعد النار على والد الفنان حسام حبيب، بعد تصريحاته الاخيرة وانتقاده لنجله بأنه تربية ست.

تحيا مصر يرصد هجوم محمود سعد على والد حسام حبيب. 

محمود سعد يهاجم والد حسام حبيب 

وقال محمود سعد فى مقطع فيديو نشره عبر صفحته الرسمية بموقع التواصل الإجتماعي فيسبوك: لابد على والد حسام حبيب ان يعتذر عن جملة تربية واحدة ست، التى أراد بها اهانة  ابنه ، فاذا كان هناك مشاكل بينهم ، فهذا الأمر يخضهم ، ولكن هذة الجملة لاتصح ، فالستات بتعرف تربي .

وتابع: تربية واحدة ست ، فالستات تربي العيال بسبب ظلم وقهر وقلة أدب الرجالة تجاه الستات، الست لما تربي ابنها مش بتكون رمت الاب من البلكونه ، ولكن بيكون علشان ساب البيت وراح أتجوز واحدة ثانية .

وأضاف محمود سعد : انا أجمل الاشياء التى حدثت فى حياتي انني تربية واحدة ست، عرفت من خلالها الجدعنة ، وكان الشارع كله يحترمها ، وأقول لوالد حسام حبيب عيب كده وإعتذر للستات  .

والد حسام حبيب يفتح النار على نجله

وكان كتب والد حسام حبيب عبر حسابه الرسمي على موقع التواصل الاجتماعي فيسبوك: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره
انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".