هتوحشنا.. تامر عاشور يطرح أحدث أعماله الغنائية قريبًا

يستعد المطرب المصري تامر عاشور لطرح أحدث أعماله الغنائية التي تحمل اسم «هتوحشنا» قريبًا، وذلك عبر قناته الرسمية بموقع الفيديوهات الشهير يوتيوب.

تحيا مصر يرصد استعداد تامر عاشور لطرح أغنية هتوحشنا. 

تامر عاشور يروج لأغنيته الجديدة هتوحشنا

وروج تامر عاشور للأغنية من خلال نشره مقطع فيديو وهو يغني مطلعها عبر حسابه الرسمي بموقع تبادل الصور والفيديوهات القصيرة انستجرام، وعلق عليه قائلًا: "هتوحشنا.. مستعدين".

تامر عاشور يطرح أغنية هي الناس

طرح النجم تامر عاشور أحدث أعماله الغنائية "هى الناس" كلمات أحمد المالكى، وألحان محمد خلف، وتوزيع أنور عمر وميكس & ماستر صقر، على موقع يوتيوب.

كلمات أغنية هي الناس

وتقول كلمات أغنية هي الناس: 

الحلوة دي تحلم وتقولي طلبها إيه
راضي بكل اللي تقول عليه والدنيا تجيلها في ثانيتين
الحلوة دي أول ماتقرب من بعيد
بفرح وبتقلب يومي عيد والفرحة معايا بفرحتين
بالدلع وبالشقاوة الجمال بيزيد حلاوة
هي دي اللي بضحكة منها قلبي تاه قدام عيونها وف ثواني راحلها
ناسي كل حاجة مرت بيا حاسس إن روحي ردت فيا
لما تبقى جنب مني كل يوم هفرح واغني دي السعادة كلها
عليها جمال ومكملاه بأجمل روح جت ف الحياة
واسمي تقوله مغنياه لو يوم تناديني
معاها الوقت يفوت قوام ولا بيشغلني الساعة كام
وبتعب لما تقول سلام وتغيب عن عيني

وهكمل حياتي معاها لآخر يوم
وهي معايا انا حالف لاعيش اراضيها بوعدها هتبقى ف عيني واسعدها
دي هي ف كوم والدنيا ف كوم

الضحكة دي بتقرب مني المستحيل وتفرح قلبي نهار وليل
والدنيا بجد معاها غير
والحالة دي انا عايش فيها ومش هفوق
حاسس بالراحة وبالهدوء والله قدومها عليا خير

روحي ردت فيا
لما تبقى جنب مني كل يوم هفرح واغني دي السعادة كلها
عليها جمال ومكملاه بأجمل روح جت ف الحياة
واسمي تقوله مغنياه لو يوم تناديني
معاها الوقت يفوت قوام ولا بيشغلني الساعة كام

وبتعب لما تقول سلام وتغيب عن عيني

وهكمل حياتي معاها لآخر يوم
وهي معايا انا حالف لاعيش اراضيها بوعدها هتبقى ف عيني واسعدها
دي هي ف كوم والدنيا ف كوم