محمد فاضل عن فردوس عبد الحميد: لو ألاقي ليها دور في كل مسلسل هجيبها فيه

تحدث المخرج محمد فاضل عن الإنتقادات الموجهة للفنانة فردوس عبد الحميد، وذلك خلال دورها في مسلسل “الضاحك الباكي”.

تحيا مصر يرصد في ذلك التقرير تصريحات محمد فاضل في حديث القاهرة

قال محمد فاضل خلال ضيافته على برنامج حديث القاهرة، متحدثا على انتقادات ظهور فردوس عبد الحميد بدور أم لطفل رضيع في الضاحك الباكي: “دا يتوقف علي دا كان كام حلقة ، هي حلقة واحدة ، فقولت مين الممثله الكويسه اللي هتوافق تيحي تعمل حلقة واحدة وخلاص ، فأنا وليكن خطأ تخيلت كدا ، لكن دا ملوش علاقة إطلاقا بباقي المسلسل”.

محمد فاضل يشيد بـ فردوس عبد الحميد

وأشاد المخرج محمد فاضل بـ فردوس عبد الحميد، فقال: “لو ألاقي ليها دور في كل مسلسل بعمله هجيبها فيه، ودي مسؤلية فنية زي أمينة رزق كنت بتلكك عشان اجيبها، فردوس عبد الحميد ممثلة بجد، انا كمخرج باقله 55 سنة بيخرج بعرف أقيم الممثل، فردوس من ساعة ما اتخرجت من المعهد طلعت المسرح وخدت بطولة”.

محمد فاضل يرد على منتقدي مسلسل الضاحك الباكي

وسبق، وأن رد محمد فاضل على انتقادات مسلسل الضاحك الباكي، فقال: “اللي بيحصل مش انتقادات، ولكن الحكاية دي بتحصل من 30 سنة ومعطلتنيش أو عطلت فردوس عب دالحميد عن حاجة، وهي دلوقتي بتصور عملين جديدين مش من إخراجي، ودا رد عملي إنها بتشتغل مع مخرجين آخرين ومنتجين بردو بعيد عني، ولكن فيه ناس متربصة والحكاية دي بتحصل معنا من 30 سنة ولكننا بنعمل الشغل اللي عايزينه دون أي مشكلات”

وعن تفصيله الأدوار لـ فردوس عبد الحميد، فقال: "يعني إيه متفصلة؟.. النص جالي مكتوب 30 حلقة كاملة من الأستاذ محمد الغيطي، وهذا أمر غريب في الزمن اللي إحنا فيه إن السيناريو يكون كله مكتوبا ومطبوعا، وهذا حدث، وأنا لا أناقش في هذه الحاجات ومن يريد الاعتراض ميتفرجش، هل سأجعل متربص يقول لي أشتغل إزاي؟ بالتأكيد لا”.

موعد عرض مسلسل الضاحك الباكي

جدير بالذكر، أنه يعرض مسلسل الضاحك الباكي على قناة cbc، في تمام الساعة الثامنة مساء من يوم السبت حتى يوم الأربعاء، بينا يأتي موعد عرض مسلسل الضاحك الباكي أيضا في الإعادة على هذا النحو في تمام الساعة 2:30 صباحًا، والثانية في تمام الساعة 12 ظهر اليوم التالي.