"نجلاء فتحي قالتلي مافيش حاجة اسمها رمضان".. ميار الببلاوي تتصدر مؤشرات البحث

أحدث الفنانة المعتزلة ميار الببلاوي ضجة عريمة عبر مواقع التواصل الإجتماعي المختلفة، وذلك بتصريحاتها الجريئة عن مشاهدها في فيلم “ديسكو ديسكو” التي جمعتها بـ عمرو عبد الجليل.

تحيا مصر يرصد في ذلك التقرير سبب تصدر ميار الببلاوي مؤشرات البحث

ميار الببلاوي تتصدر مؤشرات البحث

تصدرت ميار الببلاوي تريند الأكثر بحثا على موقع البحث جوجل الشهير، وذلك بعد تصريحاتها الاخيرة عن الإعلامية ايناس الدغيدي والفنانة نجلاء فتحي، التي أثارت الجدل في الساعات القليلة الماضية.

تصريحات ميار الببلاوي في قعدة ستات

وكانت قد فجرت الفنانة ميار الببلاوي تصريحات مثيرة وصادمة لأول مرة خلال حلولها ضيفة على برانامج “قعدة ستات”، المذاع على قناة القاهرة اليوم، وجاءت تلك التصريحات: 

• فيلم ديسكو ديسكو معظمه اتصور في رمضان.
• إيناس الدغيدي مرمطتني ومسحت بيا الأرض لما لقيتني جيت بمايوه شورت وقالتلي البسي التاني.
• مشهدي الجرئ مع عمرو عبد الجليل كنا في رمضان وكنت رافضة أصوره.
• كنت بقول حتى لو هعمل حاجة غلط ميكنش في الصيام أكون بس فطرت.
• نجلاء فتحي قالتلي رمضان ده بتاع الفقراء بس مش بتاع الناس العادية احنا عندنا أكل نصوم ليه.
• عشان أصور المشاهد نجلاء قالت مافيش حاجة اسمها رمضان والناس الأغنياء بيعملوا نفسهم مبياكلوش عشان الفقراء.

أسباب جعلت ميار الببلاوي في صدارة التريند

وتتعمد ميار الببلاوي دائما اثارة البلبلة لـ تتصدر التريند، فسبق وأن هاجمت شيرين عبد الوهاب وتنمرت على وزنها الزائد، قائلة: "“شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم، اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك”.

واختتمت حديثها: إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة.. عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا.