حد الله أركب التريند بشتيمة الناس ليا.. ميار الببلاوي ترد على منتقدي تصريحاتها الأخيرة

حرصت الفنانة ميار الببلاوي الرد على كل من وجه لها انتقاد بسبب تصريحاتها التلفزيونية الأخيرة مع الإعلامية مروة صبري، وذلك خلال منشور لها عبر حسابها الشخصي على موقع التواصل الاجتماعي “فيسبوك”.

تحيا مصر يرصد تفاصيل رد الفنانة ميار الببلاوي على منتقديها

حيث كتبت ميار الببلاوي في منشورها: “أنا مش هدافع عن نفسي ومش هقول أني  صح بس ربنا شاهد أني بتكلم بعفوية ومبعرفش اتخابث ولا قصدي أي إساءة لأي حد من زملائي اللي بحبهم وبقدرهم  وبعتز بأي عمل شاركتهم فيه طوال السنين الى فاتت”.

ميار الببلاوي ترد على منتقديها

وتابعت الببلاوي في منشورها قائلة: “وأنا لا عاوزة أجيب سيرة الفيلم ولا المشهد ولا يشرفنى ونفسى انسى والناس تنسى بس معرفش ليه بعد ٢٥سنه بينبشوا فى الماضى فى فنانات عاملين مىات الافلام وفيها مشاهد نسال الله المغفره اشمعنى ميار الى لازم تترجم وتتبهدل وكل الى عاوز يعمل شو يبقى عليا”.

وأضافت: “انا برفض كل يوم مقابلات فى برامج لكن مروه صبرى اخت زميلتى عبير وبحبهم هما الاثنين غير كده انا حرمت  اى مقابله غير لما اعرف طبيعه الاسيله  وهركز فى كل كلمه ومش هذكر اسماء ولا مواقف بس الصحفيين واليوتيورز يرحمونى من العناوين الى ملهاش علاقه بالكلام الى جوه الفيديو”.

ميار الببلاوي والتريند

ومن جانبه أكدت ميار الببلاوي على أنها لا تهدف أبدًا بتصريحاتها إلى ركوب التريند، حيث قالت في منشورها: “وبالنسبه للتريند الى انا عاوزه اركبه حد الله انى اركب التريند بشتيمه الناس ليا  وعلشان ااكدلكم انا محوله موبايلى ومبردش على اى صحفى انا نفسيتى تعبت وجالى اكتئاب وابنى مضايق جدا واختى كده كفايه”.

واستطردت: “وبالنسبه لانى بعمل كده علشان انا اتنسيت وعندى حب للظهور قولوا الى يعجبكم انا ناجحه فى برنامجى ولله الحمد وراضيه بيه ولو جالى شغل فدا رزق اشكر عليه ربنا مجاليش مش هلجاء للطرق الرخيصه دى علشان اشتغل وبالنسبه للميكب والرموش والضوافر  حاضر هشلهم  علشان ابقى كده واجهه للحجاب دا كل الى عندى وافوض امرى الى الله ان الله بصير بالعباد”.