بهاء سلطان: جبت 58% في ثانوية عامة .. وأنا محظوظ بأغنية قلبك يا حول الله

تحدث الفنان بهاء سلطان عن أغنية قوم وأقف والتي حققت نجاحًا كبيرًا، كما تحدث عن أغنية قلبك يا حول الله، وكشف عن المغنيين المفضلين بالنسبه له.

تحيا مصر يرصد لكم تصريحات بهاء سلطان في برنامج أنغام

وقال بهاء سلطان خلال استضافته في برنامج أنغام التي تقدمه الفنانة أنغام عبر قناة دي أم سي: أغنية قوم أقف وأنت بتكلمني كان مفاجأة للجمهور لأنها كانت مختلفة وكلامها مختلف وكانت صدمة للجمهور لكن حبها جدًا الحمد لله.

وتابع: المشكلة الأخيرة اللي حصل في حياتي وأعتزالي أثرت عليا وكنت بسمع وقتها الشيخ محمد عمران وموسيقى تركي و كنت بسمع حاجات كتير ومش بستوعبها، وقبل كده كنت بسمع أم كلثوم ومحمد عبد الوهاب وعلي الحجار حاول يساعدني زمان قبل ما أدخل الكورال.

بهاء سلطان يكشف عن مجموعه في الثانوية العامة

وكشف: جبت 58 % في الثانوية العامة وأخويا نصحني أدخل كلية تربية موسيقية ولما دخلت الكلية كانوا بيختاروا فرقة عبد الوهاب للغناء وكنت بكسل في الأغاني.

أغنية قلبك يا حول الله

وكشف الفنان بهاء سلطان عن كواليس أغنية قلبك يا حول الله وقال: الأغنية مكنتش ليا هي كانت من ألحان الفنان تامر عاشور وتامر حالة لوحده وبنتعلم منه  
وتابع: أنا بحب الأغنية دي جدًا لغاية دلوقتي وأنا محظوظ بيها جدًا وأنا ببقى دايمًا محظوظ بالأغاني، ولو أنا اللي كنت بختار الأغاني لنفسي مكنتش وصلت للي أنا فيه دلوقتي لأني بكسل.

كلمات أغنية قلبك يا حول الله

قلبك يا حول الله بقى دلوقتي فاضي
كل شئ مات من جواه وإنت كدا راضي

وعامل فيها مش شايف
ومش عارف إيه معنى الحب
وعايش كل أيامك وأحلامك في وهم وكذب
خلاص دلوقتي يا خسارة
بقيت واحد معندوش قلب
حاجات كثير جواك ماتت
وأنا ساكت ماقولتش لاء
وسايب دمعي يتكلم وبتآلم وانا على حق
ح قولك كلمة من الآخر
أكيد قلبك ده عمره مادق

قلبك يا حول الله بقى دلوقتي فاضي
كل شئ مات من جواه وإنت كدا راضي
قلبك يا حول الله بقى دلوقتي فاضي
كل شئ مات من جواه وإنت كدا راضي

وإيه في الدنيا دي دايم
سنين عايم ماشوفتش بر
مادام الحب مش نافع
وإيه الدافع أذوق المر
يا ريت ترتاح وتنساني
عشان قلبك خلاص بقى حر

مفيش فايدة معاك خالص
ومش حاسس بأي أمل
وحتى الصبر بينادي
ومش راضي ومنك مل
تعبت معاك ياما ومش لاقي لقلبك حل

قلبك يا حول الله، قلبك يا حول الله
قلبك يا حول، قلبك يا حول، قلبك، قلبك، قلبك، قلبك
قلبك يا حول الله بقى دلوقتي فاضي
كل شئ مات من جواه وإنت كدا راضي

قلبك يا حول الله بقى دلوقتي فاضي
كل شئ مات من جواه وإنت كدا راضي
قلبك يا حول الله بقى دلوقتي فاضي
كل شئ مات من جواه وإنت كدا راضي
قلبك يا حول الله بقى دلوقتي فاضي
كل شئ مات من جواه وإنت كدا راضي