محمد التاجي: تصريح محمد رمضان عني مش تجريح شخصي.. ولو قاصد سخرية مني ربنا يسامحه

تحدث الفنان محمد التاجي عن رد الفنان محمد رمضان عليه في موضوع المال والتاريخ، وذلك خلال لقائه اليوم ببرنامج “البخت” الذي يذاع على شاشة تلفزيون قناة “الشمس”.

تحيا مصر يرصد تفاصيل تصريحات محمد التاجي في برنامج البخت

حيث قال محمد التاجي: “أنا مش شايف أن تصريح محمد رمضان اللي قاله عني فيه تجريح شخصي، أنا يوميها حد سألني بيقولي ايه رأيك في اللي عمله محمد رمضان لما كان بيرمي الفلوس في البسين، روحت قولتله الفلوس اللي اترمت دي فلوس فيك مش حقيقية”.

وتابع: “والفلوس بتروح وتيجي لكن التاريخ هو اللي بيفضل مع الناس.. انا معنديش وقت ومعنديش دماغ أخش في مهاترات الناس اللي بتبهدل بعض.. ومحمد رمضان لو كان قاصد مدحي فأنا متشكر ليه ولو قاصد سخرية مني ربنا يسامحه”.

هجوم محمد رمضان على التاجي 

وفي وقت سابق، هاجم الفنان ومؤدي المهرجانات محمد رمضان، الفنان القدير محمد التاجي، وذلك بعد تصريحات الاخير في إحدى البرامج حول إلقاء رمضان الدولارات في حمام السباحة، قائلا: «إحنا الاتنين مواليد 23 مايو بس الفرق بينا الحساب في البنك».

فرد محمد رمضان على تلك التصريحات، بنشر مقطع فيديو للتاجي عبر حسابه الرسمي بموقع تبادل الصور والفيديوهات انستجرام، وعلق عليه قاىلا: «الفنان القدير محمد التاجي، حضرتك تملك تاريخ لا يقدر بثمن.. الفلوس مهمة بس التاريخ أهم.. ربنا يباركلك في صحتك وعمرك، ولو خيروني ما بين التاريخ والفلوس هختار الفلوس بصراحة، وأبقى آخد دروس تاريخ على حسابي».

تعليق محمد التاجي على قيام محمد رمضان بإلقاء الدولارات

ويذكر أن الفنان محمد التاجي حرص التعليق على مقطع الفيديو الذي يظهر به النجم محمد رمضان وهو يلقي بالدولارات في حمام السباحة، وقال: “الموقف ما استفزنيش ده استفز ناس كتير، وده هيوقعه لأن عيون الناس هتحسده، طب داري على شمعتك تقيد، وده هيضره مش هيفيده، لأنه بيوقعه ويكعبله في حياته كتير وده حصل بالفعل، أنا ورمضان مواليد يوم 23 مايو بس الفرق بينا في الحساب في البنك”.