معالي الوزير قفل السكة في وشي بسبب الدور.. عفاف شعيب تكشف كواليس مشاركتها في رأفت الهجان

تحدثت عفاف شعيب عن كواليس مشاركتها في مسلسل رأفت الهجان وذلك خلال الجزء الثاني لقائها ببرنامج واحد من الناس.

تحيا مصر يرصد لكم تفاصيل مشاركة عفاف شعيب في رأفت الهجان 

عفاف شعيب: معالي الوزير قفل السكة في وشي بسبب رأفت الهجان 

وقالت عفاف شعيب: معالي الوزير صفوت الشريف كلمني لما يحيى العلمي قاله كل الممثلين تمام الا عفاف شعيب.. خد تليفوني وكلمني على تليفون البيت وقالي انتي ليه رافضة الدور في رأفت الهجان؟.

وتابعت: وراح قالي مفيش حاجة اسمها دور كبير ودور صغير وقفل في وشي.. واتضايقت وقتها ان وصلتله معلومة اني رافضة الدور. 

عفاش شعيب تكشف تفاصيل دورها في مسلسل الأسطورة 

وأضافت شعيب: مسلسل الاسطورة في دور فردوس عبد الحميد، حد كلمني وقالي حضرتك فاضية يا فندم وقولتله خلاص ان شاء الله، وبعدين محدش سأل، واتبسطت لما شوفت فردوس عشان ممثلة كويسة ومحترمة وفنانة قديرة، وعيب لما واحدة تبقى زيها تبقى قاعدة في بيتها.

تدور أحوال المسلسل حول شاب خريج كلية الحقوق ناصر (محمد رمضان) يسكن فى منطقة السبتية، يسعى إلى الانضمام للسلك القضائي، ولكن نظرًا لسمعة شقيقه (رفاعي) السيئة الذى يعمل تاجرًا للسلاح، يتم رفضه، ويتورط ناصر في الإجرام الذي يمارسه شقيقه خاصًة بعد دخول أخيه في صراعات مع تاجر سلاح كبير، وتتوالى الأحداث بعد ذلك في إطار من الدراما التشويقية، وحقق هذا المسلسل نجاح باهر في الموسم الرمضاني لعام 2016 كما تفاعل الجمهور معه بشكل كبير.

واستكملت شعيب كلامها: كتير خطفوا مني أدوار، ورجاء حسين الله يرحمها ماتت زعلانة على نفسها من قلة شغلها، وبقول لشركات الانتاج تاخد بالها من الناس دي، زي أحمد ماهر، وغيره.

تصريحات عفاف شعيب عن طلاقها من رياض العريان 

• سببه الخيانة وسامحت كتير، واستحملت مرة اتنين تلاتة عشرة ومن كتر السفر والشغل الدنيا بتغري.
• انا مكنتش هتجوزه خالص وسبب الجوازة استاذ حسين جمال ومدام مجيدة نجم، وفضل يلح عليا لما كنت بصور افواه وارانب وكان بيجي يبص عليا كل يوم، واستاذ حسين يقولي الراجل ده متيم بيكي.
• بس اقنعوني وقالولي ده بيحبك وقالولي ده اللي هيصونك في الوسط، لكن امي واخويا مكنوش موافقين، حاولت اكمل معاه بس الامور بقت صعبة لوي.