محمد الشرنوبي عن مشاركته في مسرحية ياما في الجراب يا حاوي: "لما عرفت انها مع يحيى الفخراني مقرتش"

كشف الفنان محمد الشرنوبي عن تفاصيل مشاركته في مسرحية ياما في الجراب يا حاوي مع الفنان يحيى الفخراني، وذلك خلال لقائه ببرنامج معكم منى الشاذلي. 

تحيا مصر يرصد لكم تصريحات محمد الشرنوبي عن مشاركته في مسرحية ياما في الجراب يا حاوي 

محمد الشرنوبي: دكتور يحيى يجنن.. ولما عرفت اني معاه مقرتش 

وقال الشرنوبي: مسرحية ياما في الجراب يا حاوي مع يحيى الفخراني، كان اول مرة اعمل مسرح كبير من الشكل ده. 

وتابع: دكتور يحيى يجنن، واول نا عرفت ان في مسرحية مع يحيى الفخراني مقرتش أصلًا، وفتحنا المسرحية الجمعة قبل اللي فاتت، وفي كل جمعة بنعرض، وعرضنا مسرحيتين بس.

محمد الشرنوبي عن دوره في مسلسل إيجار قديم 

وقال محمد الشرنوبي عن شخصيته “طارق” في المسلسل: طارق ده مضغوط اوي، من قبل ما المسلسل ينزل بنشوف كمية كلام من الملاك والمستأجرين ومش فاهمين اننا عايزين نطرح الفكرة بأسلوب لذيذ وده خلاني متحمس للمسلسل.

محمد الشرنوبي: المسلسل هيطلع بشكل أوضح بعدين 

وعن تفاصيل اختلاف سكنه بين طفولته مع أهله، وخلال هذه الفترة، قال: كنت في البيت بتاعنا الأول، والفترة اللي فاتت قاعد في إيجار جديد، وفي المسلسل بنطرح الفكرة من غير ما ننصف حد وهيطلع بشكل أوضح خلال الحلقات الجايه.

أزمة إلغاء حفل الشرنوبي 

ومن ناحية أخرى، كشف الفنان محمد الشرنوبي أن السبب وراء إلغاء حفلته التي كان من المقرر إقامتها ضمن فعاليات مهرجان الموسيقى العربية في دورته القادمة هو مسدج من المنتجة سارة الطباخ لإدارة الأوبرا.

حيث قال الشرنوبي لـ برنامج “ET بالعربي”: “فوجئت أن الفانز بيقولولي.. عرفت بالصدفة أن الحفلة اتشالت التذاكر بتاعتها فقومت مكلم دكتور جيهان قولتلها يا دكتور جيهان ايه اللي حصل فقامت قايلالي المديرة بتاعت الشركة اللي أنا كنت ماضي معاها بعتالهم مسدج بيان صحفي بيقول أن أنا مش من حقي اشتغل في أي حتة ولا من حقي أعمل حفلات”.

وتابع الشرنوبي في حديثه عن إلغاء حفله قائلًا: “أنا عرفت المعلومة دي كمان من حد من الشئون القانونية في الأوبرا قومت قايلها هي الشئون القانونية بتستند على مسدج عادية على الواتساب.. دي حاجة غريبة جدا.. مش المفروض أنه لما أجي أوقف حفلة من مؤسسة ثقافية مهمة وكبيرة جدا زي الأوبرا أن أنا حد يبعتلي مسدج على الواتساب”.